"ვიქტორ ჯაფარიძე მოვიდა, თქვენი ფორთოხალი ვისროლე და უნდა გადავიხადოო... რა ფორთოხალი, ჩემს 4 შვილს მომავალი წაართვით-მეთქი" - რა ვიდეოს აქვეყნებს მოქალაქე

გუშინ, მას შემდეგ რაც პარლამენტმა "უცხოური გავლენის გამჭვირვალობის შესახებ" პრეზიდენტის ვეტო დაძლია, სოცქსელში გავრცელდა ვიდეო, სადაც ისმის, როგორ ეძახის აქციის ერთ-ერთი მონაწილე მანქანებში მსხდომ დეპუტატებს: "მონებო, გარბიხართ ბიძინასთან, წაჰყევით მოსკოვში.."

• ამ დროს ერთ-ერთი მანქანიდან ოცნების დეპუტატი ვიქტორ ჯაფარიძე გადმოდის, რომელიც იქვე მდებარე ხილის დახლიდან ფორთოხალს იღებს და მოქალაქის მისამართით ისვრის.

როგორც აღმოჩნდა, დღეს დილით ჯაფარიძე სწორედ ამ მაღაზიაში მივიდა. კადრებს მაღაზიის მეპატრონე ავრცელებს და ამბობს, რომ დეპუტატს ბოდიშის მოხდა სურდა, თუმცა ადგილზე სიტუაცია სხვანაირად წარიმართა:

"ბოდიშის მოსახდელად მოვიდა ხალხო, თქვენი ფორთოხალი ვისროლე და უნდა გადავიხადოო რა ფორთოხალი, თქვენ ჩემს ოთხ შვილს მომავალი წაართვით-მეთქი…რა წავართვიო???- მართლა არ მოელოდა ამ პასუხს რამდენიმე წუთი ვილაპარაკეთ, მერე ვიტამაც მომისწრო და რაღაც მომენტში, ვიდეოს გადაღებაც მომაფიქრდა…." - წერს ვიდეოს ავტორი.

იხილეთ ასევე:

• რა მოხდა, როცა მოქალაქე ვიქტორ ჯაფარიძის მანქანასთან მივიდა და "მონა" დაუძახა - კადრები სოცქსელში ვრცელდება