მნიშვნელოვანი ინფორმაცია
31
მარტიდღის ზოგადი ასტროლოგიური პროგნოზი
სამშაბათი, მთვარის მეოთხე დღე დაიწყება 07:33-ზე, მთვარე კუროშია
კარგი დღეა ახალი საქმეების დასაწყებად. აგრეთვე დაკარგული ნივთების, ადამიანების მოსაძებნად. გააფართოეთ ბიზნესი, დაარეგულირეთ ურთიერთობა ბიზნესპარტნიორებთან. მოაგვარეთ ფინანსური საკითხები. არასასურველია უძრავი ქონებით ვაჭრობა. მოერიდეთ კამათს, საქმეების გარჩევას. კარგი დღეა სწავლისთვის, სამეცნიერო სამუშაოსთვის, გამოცდის ჩაბარება სხვა დღისთვის გადადეთ. ცუდი დღეა მოგზაურობის დასაწყებად, შორ მანძილზე მგზავრობისთვის. შეძლებისდაგვარად მოუარეთ ყვავილებს, დარგეთ ხეები, გაისეირნეთ ბუნებაში. მოერიდეთ ალკოჰოლს, სიგარეტს, კუჭის გადატვირთვას; ოპერაციების ჩატარებას კისერსა და ყელზე. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ქართველებს 30 წელია უნდათ ჩვენი დაბრუნება, კიდევ 300 წელს ენდომებათ..." - სერგეი შამბა ირაკლი კობახიძის განცხადებაზე
13:55 / 27-05-2024
საქართველოს ოკუპირებული ტერიტორიების, აფხაზეთისა და ცხინვალის რეგიონის დე ფაქტო ხელისუფლებები პრემიერ-მინისტრ ირაკლი კობახიძის 26 მაისს გაკეთებულ მიმართვას ეხმაურებიან, სადაც პრემიერმა ხელისუფლების "ქართულ ოცნებაზე“ - 2030 წლისთვის ევროკავშირში გაწევრებაზე ისაუბრა, "აფხაზ და ოს ძმებთან და დებთან ერთად“.
აფხაზეთის უშიშროების საბჭოს მდივნის სერგეი შამბას განცხადებით, აფხაზეთს აქვს საკუთარი ამოცანები.
"მათ 30 წელია უნდათ ჩვენი დაბრუნება, კიდევ 300 წელს ენდომებათ, გასაგებია, ვის უკვირს ეს? ეს მათი საგარეო პოლიტიკური ამოცანაა და ჩვენთვის ახალი არაფერია. აფხაზეთს აქვს საკუთარი ამოცანები, ეს არის დამოუკიდებელი სახელმწიფოს აშენება, მისი სახელმწიფოებრიობის განვითარება და გაძლიერება“, - განაცხადა შამბამ.
ე.წ. უშიშროების საბჭოს მდივნის თქმით, სოხუმსა და თბილისს შორის ბევრი გადაუწყვეტელი პრობლემაა. "როდესაც ამის დრო მოვა, მაშინ ვიმსჯელებთ, ჯერჯერობით, ჩვენ ვერ ვხედავთ ამის მზადყოფნას“, - თქვა მან.
განცხადება ე.წ. სამხრეთ ოსეთის დე ფაქტო საგარეო საქმეთა სამინისტრომაც გაავრცელა. დეპარტამენტი "აბსოლუტურად შეუფერებლად მიიჩნევს ნებისმიერ საუბარს ე.წ. საქართველოსთან შეერთებაზე“.
"აბსოლუტურად უადგილოდ მიგვაჩნია ნებისმიერი საუბარი საქართველოსთან შეერთებაზე. "სამხრეთ ოსეთის რესპუბლიკა" არის სახელმწიფო, რომელმაც მოიპოვა თავისი დამოუკიდებლობა ქართულ ფაშიზმთან ხანგრძლივ, სისხლიან ბრძოლაში და გადაიხადა უზარმაზარი ფასი თავისუფლებისთვის“...
"სამხრეთ ოსეთის რესპუბლიკა არის სახელმწიფო, რომელმაც მოიპოვა დამოუკიდებლობა მრავალწლიანი სისხლიანი ბრძოლის შედეგად ქართული ფაშიზმის წინააღმდეგ, გადაიხადა უზარმაზარი ფასი თავისუფლებისთვის. სამხრეთ ოსეთის რესპუბლიკის ხალხმა გააკეთა არჩევანი თავისი სუვერენული სახელმწიფოებრიობის აშენებისა და მეგობრული ურთიერთობებისა და ინტეგრაციული კავშირების განმტკიცების სასარგებლოდ რუსეთის ფედერაციასთან, სამხრეთ ოსეთის მშვიდობისა და უსაფრთხოების ერთადერთ რეალურ გარანტთან“, - ნათქვამია განცხადებაში.
შეგახსენებთ, საქართველოს პრემიერ-მინისტრმა, ირაკლი კობახიძემ საქართველოს დამოუკიდებლობის დღისადმი მიძღვნილ საზეიმო ღონისძიებაზე სიტყვით გამოსვლისას განაცხადა, რომ "აღთქმული მიწა“, ანუ ქართული ოცნებაა, "საქართველოს დამოუკიდებლობის აღდგენიდან 40 წლის თავზე - 2030 წელს ვიცხოვროთ ერთიან და ძლიერ საქართველოში ჩვენს აფხაზ და ოს ძმებთან და დებთან ერთად, ერთიანი და ძლიერი საქართველო უნდა გახდეს 2030 წელს ევროპული ოჯახის სრულუფლებიანი წევრი". წყარო
იხილეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
