"რაღაცას შეუჭამია ვაზი და ამაზე იკამათა უკამათიათ მამა-შვილს... ამის შემდეგ შვილს რამდენჯერმე ესროლა, დაკავებული ყოფილი პოლიციელია" - დეტალები მარტვილიდან

მარტვილის მუნიციპალიტეტში, კერძოდ ნალეფსაოში მამამ შვილი დაჭრა. ფაქტი გუშინ მოხდა. არსებული ინფორმაციით, დანაშაული სანადირო თოფიდან გასროლით მოხდა. დაჭრილია 25 წლამდე ასაკის ახალგაზრდა. ის სასწრაფო დახმარების ბრიგადამ ქუთაისის კლინიკაში გადაიყვანა და ექიმები ყველაფერს აკეთებენ მის გამოსაჯანმრთელებლად. სამართალდამცველებმა ცხელ კვალზე დააკავეს ბიჭის მამა, გიორგი ჯღარკავა.

როგორც შინაგან საქმეთა სამინისტროში აცხადებენ, გამოძიება სისხლს სამართლის კოდექსის 19/109-ე მუხლით მიმდინარეობს, რაც განზრახ მკვლელობის მცდელობას გულისხმობს. ადგილობრივებს მომხდარის დეტალებზე საუბარი უჭირთ, მათთვის ჯერჯერობით უცნობია, თუ რატომ მივიდა მამა-შვილის კონფლიქტი ამ მდგომარეობამდე.

"ახლა გავიგე ეს ამბავი და ვცდილობ დეტალები გავარკვიო. ვიცი, რომ ბიჭი ქუთაისის ერთ- ერთ კლინიკაშია გადაყვანილი. მამას პირადად ვიცნობ, გიორგი ჯღარკავაა. ძალიან გამიკვირდა ამ ადამიანისგან დანაშაულის ჩადენა, უბატონოდ ხმას არავის გასცემს, ისეთია. დადებითად შემიძლია დავახასიათო.

ოჯახი აფხაზეთიდან დევნილია. მას შემდეგ, რაც იძულებით მოუხდათ თავიანთი სახლ-კარის დატოვება, მარტვილში ჩამოვიდნენ, აქაც ჰქონდათ სოფელი და მას შემდეგ ნალეფსაოში ცხოვრობენ.

გიორგი ჯღარკავას ორი შვილი ჰყავს, როგორც ვიცი, მეუღლესთან გაშორებულია. ერთი ბიჭი დედასთან იზრდებოდა და მეორე მამასთან. ჯერჯერობით არ ვიცი კონკრეტულად რომელია დაჭრილი ან რაზე მოუხდათ კონფლიქტი. გავიგე, რომ თავის სახლში დაუჭრია თოფით. დაკავებულია, ალბათ დაიკითხება ორივე და იტყვიან რატომ მივიდა საქმე აქამდე...წაიკითხეთ სრულად