მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
სიახლეები, რომელიც მკითხველს 30 მაისიდან 2 ივნისამდე თბილისის წიგნის ფესტივალზე ელოდება - ინტერვიუ მარიამ გიორგაძესთან
13:07 / 23-05-2024
ლიტერატურის მოყვარულებს ნამდვილი დღესასწაული ელოდებათ - 30 მაისიდან 2 ივნისის ჩათვლით „ექსპო ჯორჯიას“ მე-6 და მე-11 პავილიონებში თბილისის წიგნის საერთაშორისო ფესტივალი გაიმართება. ღონისძიებაზე ტრადიციულად ფასდაკლებები და შეთავაზებები იქნება წარმოდგენილი, ამასთან სტუმრებს ავტორებთან შეხვედრისა და დისკუსიის საშუალება მიეცემათ.
უფრო კონკრეტულად, რით იქნება 2024 წლის თბილისის წიგნის საერთაშორისო ფესტივალი გამორჩეული და რას შესთავაზებს გამომცემლობა „პალიტრა L-ი“ მკითხველს, ამის შესახებ „პალიტრა მედია ჰოლდინგის“ მარკეტინგის ხელმძღვანელი მარიამ გიორგაძე საუბრობს:
რატომ არის თბილისის წიგნის საერთაშორისო ფესტივალი ლიტერატურის მოყვარულებისათვის მნიშვნელოვანი მოვლენა?
წიგნის საერთაშორისო ფესტივალი არა მხოლოდ მკითხველისთვის, არამედ გამომცემლობებისთვის, ქართველი ავტორებისთვის და ლიტერატურული აგენტებისთვისაც ძალიან მნიშვნელოვანი მოვლენაა. ღონისძიება საშუალებას გვაძლევს, პირისპირ ვეკონტაქტოთ ერთმანეთს, გავუზიაროთ წინგადადგმული ნაბიჯები, მიღწევები, ვისაუბროთ გამოწვევებსა და მათი დაძლევის გზებზე, უფრო დაწვრილებით შევიტყოთ რა სურს და რა აინტერესებს მკითხველს, რაც განვითარებაში.
აქვე უნდა აღინიშნოს, რომ წიგნის ფესტივალებს თავისი წვლილი შეაქვს ქართული ლიტერატურის განვითარებაში. ერთი მხრივ, მკითხველს საშუალება აქვს, აღმოაჩინოს თანამედროვე ნამუშევრები და მეორე მხრივ, პირისპირ შეხვდეს ავტორს, აზრები გაცვალოს მასთან, გამოართვას ავტოგრაფი. ეს პატარა ცერემონიალი სასიამოვნოა როგორც ავტორისთვის, ისე მკითხველისთვის, რომელსაც თანამედროვე ქართული ლიტერატურის პულსზე აქტიურად უდევს ხელი.
აღსანიშნავია, რომ ყოველ წელს ჩვენ განსაკუთრებით ვემზადებით პატარა მკითხველთან შესახვედრად, რომლისთვისაც მე-6 პავილიონშია სპეციალურ სივრცე მოწყობილი. ფესტივალს ემთხვევა ჟურნალ „საბავშვო კარუსელის“ მე-20 საიუბილეო გამოცემა, რასაც ჩვენი სტუმრებისთვის ნამდვილ დღესასწაულს ვაქცევთ. ფესტივალზე მოსულ ბავშვებს დახვდებათ ყუთები, რომლის შიგთავსიც მათი ასაკისა და ინტერესების შესაბამისად არის შერჩეული და მათ აღმოჩენების საშუალებას მისცემს.
აქვე მინდა აღვნიშნო, რომ ყოველწლიურად ფესტივალზე აქტიურად მოდიან მოსწავლეები. მათი ვიზიტი ძალიან თვალშისაცემია, რადგან ჯგუფებად გადაადგილდებიან ხოლმე, აქვთ წინასწარ შედგენილი სია, მსჯელობენ, რომელ წიგნებს გაცვლიან ერთმანეთში. ძალიან სასიამოვნოა ამ პროცესისთვის თვალის დევნება.
რას შესთავაზებს „პალიტრა L-ი“ მკითხველს წიგნის საერთაშორისო ფესტივალზე?
მკითხველს ტრადიციულად შევთავაზებთ ფასდაკლებასა და აქციებს, ამასთან, წარვუდგენთ ახალ სერიებსა და წიგნებს. მინდა გამოვყო რამდენიმე სერია: „იკითხე ქართული XXI“, რომელიც მკითხველს თანამედროვე ქართველი ავტორების აღმოჩენაში დაეხმარება; „კიდევ 15 წიგნი, რომელიც უნდა წაიკითხო, სანამ ცოცხალი ხარ“, რომელიც გაგრძელებაა პროექტისა „50 წიგნი, რომელიც უნდა წაიკითხო სანამ ცოცხალი ხარ“. სერიაზე მკითხველს სპეციალური შეთავაზება ელოდება.
გარდა ამისა, მკითხველს საშუალება ექნება, გაეცნოს თანამედროვე ავტორების უახლეს წიგნებს: თეონა დოლენჯაშვილი - „მეამბოხე“; რამაზ გიგაური - „წმინდა მარინეს ეკლესიის ჩანაწერები“; ტოტოღაშვილი - „ჩემი ადამიანი“; ნიკოლოზ ტოტოღაშვილი და ბასა ჯანიკაშვილი - „მე გადმოვცურავ ზღვას“, რომელიც პიესაა.
ასევე, ფესტივალზე წარმოდგენილი იქნება პროექტ „ლურჯი ოკეანის“ ახალი გამოცემა „ძალაუფლების 48 კანონი“, რომელიც პროფესიული ლიტერატურის მკითხველებს თვითგანვითარებასა და სწორი კარიერული ნაბიჯების გადადგმაში დაეხმარება.
ღონისძიების დიდ სცენაზე დაგეგმილია მამუკა ხაზარაძის წიგნის პრეზენტაციაც.
ერთი მხრივ, წიგნის ფესტივალი მნიშვნელოვანია მკითხველისა და გამომცემლობის ერთმანეთთან დასაკავშირებლად, თუმცა მეორე მხრივ საინტერესოა, რამდენად ახდენს ასეთი მასშტაბური ღონისძიება დადებით ზეგავლენას გამომცემლობის იმიჯზე?
ფესტივალს ყოველწლიურად ჰყავს ფოკუს ქვეყანა, რაც იმას ნიშნავს, რომ კონკრეტული ქვეყნის ლიტერატურული აგენტები გვსტუმრობენ, აწყობენ თავიანთ სტენდს და ინიშნება შეხვედრები. გამომცემლობებს საშუალება აქვთ, შეხვდნენ მათ, გააცნონ ახალი ავტორები, მოელაპარაკონ თარგმანებთან და სხვა საკითხებთან დაკავშირებით.
რა თქმა უნდა, როდესაც შენს ქვეყანაში არსებობს ასეთი დიდი და მასშტაბური ლიტერატურული ღონისძიება, ეს იმას ნიშნავს, რომ ლიტერატურის მიმართ ინტერესი მაღალია, ქვეყანა ვითარდება და აქ პარტნიორების შეძენა პერსპექტიულია.
დაბოლოს, რა ზეგავლენას ახდენს წიგნის ფესტივალი და ზოგადად, ამგვარი ღონისძიებები კითხვის პოპულარიზაციაზე?
ასეთი ტიპის შეხვედრები და ფესტივალები თავისთავად ხელს უწყობს წიგნის პოპულარიზაციას. ამგვარი ღონისძიებები განსაკუთრებით მნიშვნელოვანია მომავალი თაობებისთვის, რომელთაც ლიტერატურის მიმართ დიდი ინტერესი აქვთ და ჩვენც გვეკისრება პასუხისმგებლობა, მათ აქტუალური წიგნები შევთავაზოთ.
ამ მხრივ მინდა აღვნიშნო „ლიბერთინსის“ სერია, რომელსაც თავად Gen Z თაობა ადგენს. ისინი ინგლისურ ენაზე ეცნობიან ლიტერატურას და შემდეგ, გვითანხმებენ, რომლის თარგმნა და გამოცემა იქნება უმჯობესი. „ლიბერთინსის“ სრული სერია წიგნის ფესტივალზე იქნება წარმოდგენილი.
მკითხველს ღონისძიებაზე დახვდება გარემო, რომელიც შთაგაგონებს, განაგრძო კითხვა და განვითარება.
#პალიტრაL #მარიამგიორგაძე
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
