მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ძვირფასო ხელისუფლებავ, კარგად დათვალეთ, თქვენი მოსატყუებელი კბილები რამდენი და როდის გამოიცვალა ამერიკამ" - იაგო კაჭკაჭიშვილი
15:58 / 21-05-2024
ხელისუფლება ეუბნება აშშ-ს: ყოველგვარი პირობების გარეშე მოგვეცი ამერიკული სიკეთეებიო - ძვირფასო ხელისუფლებავ, კარგად დათვალეთ, თქვენი მოსატყუებელი კბილები რამდენი და როდის გამოიცვალა ამერიკამ, - ამის შესახებ სოციოლოგი იაგო კაჭკაჭიშვილი სოციალურ ქსელში წერს, რითაც გამოცემა Politico-ს მიერ გავრცელებულ ინფორმაციაზე "ქართული ოცნების" პასუხს გამოეხმაურა.
როგორც მან აღნიშნა, უტიფრობის კიდევ ერთი მასტერკლასი ვნახეთ “ქართული ოცნებისგან”.
"აშშ-ის მისამართით გაკეთებულ ოფიციალურ განცხადებაში ვკითხულობთ: "აშშ საქმით დაამტკიცებდა, რომ საქართველოს სტრატეგიული პარტნიორია, კერძოდ, ყოველგვარი პირობების გარეშე, საქართველოს მოქალაქეებს ვიზალიბერალიზაციას მიანიჭებდა და თავისუფალი ვაჭრობის შეთანხმებას გააფორმებდა".
ხელისუფლება ეუბნება აშშ-ს: ყოველგვარი პირობების გარეშე მოგვეცი ამერიკული სიკეთეებიო. ჩვენ დავაწიოკებთ სამოქალაქო საზოგადოებას, ოპოზიციურ პარტიებს და კრიტიკულ მედიას, გამოვაცხადებთ აგენტებად და ქვეყნის მტრებად ყველას, ვისაც არ მოვწონვართ, ჯიბეში ჩავისვამთ სასამართლოს, მშვიდობიან პროტესტებს დავარბევთ, უმცირესობებს საჯარო არსებობას ავუკრძალავთ, კორუფციაში ჩავეფლობით, მაგრამ, ამის მიუხედავად, კეთილი ინებზე და უვიზო მიმოსვლა და თავისუფალი ვაჭრობა მოგვეციო. ბურთი მხოლოდ თქვენს მოედანზეაო.
ჰოდა, ძვირფასო ხელისუფლებავ, კარგად დათვალეთ, თქვენი მოსატყუებელი კბილები რამდენი და როდის გამოიცვალა ამერიკამ და არა მხოლოდ ამერიკამ, არამედ, პირველ რიგში, ქართულმა საზოგადოებამ.
და იქნებ იმაზეც გეფიქრათ, რამდენად დააკმაყოფილებს თქვენი პასუხი ყოველ მეხუთე ოჯახს საქართველოში, რომელიც ამერიკიდან მათი წევრების მიერ გამოგზავნილი ფულით სულდგმულობს”,- წერს კაჭკაჭიშვილი.
შეგახსენებთ, Politico -ს ინფორმაციით, აშშ საქართველოსთვის მნიშვნელოვანი სამხედრო, სავაჭრო პაკეტის გადაცემასა და სავიზო რეჟიმის ლიბერალიზაციას განიხილავს, თუ ანტიდემოკრატიული კურსი შეიცვლება.აღნიშნულს განცხადებას "ქართული ოცნების“ პოლიტიკური საბჭო გამოეხმაურა, სადაც განმარტავენ, რომ ქართულ-ამერიკული ურთიერთობების გაჯანსაღება მთლიანად ამერიკული მხარის სწორ ქმედებებზეა დამოკიდებული, ამისათვის კი, "არა სრულიად ბუნდოვანი პერსპექტივის მქონე დაპირებები და შეურაცხმყოფელი შანტაჟი, არამედ ქართული სახელმწიფოს და ქართველი ხალხის მიმართ პატივისცემის გამოვლენაა საჭირო“.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
