მნიშვნელოვანი ინფორმაცია
8
მაისიდღის ზოგადი ასტროლოგიური პროგნოზი
ხუთშაბათი, მთვარის მეთორმეტე დღე დაიწყება 16:43-ზე, მთვარე სასწორში გადავა 11:07
თუ დღეს დახმარება გთხოვეს, უარი არ უთხრათ. კარგია მოწყალების გაღებაც; მოერიდეთ ახალი საქმეების დაწყებას, კამათს, ფულის ხარჯვას; ურთიერთობის გარჩევას. განსაკუთრებით შეყვარებულებმა; არავის გაუბრაზდეთ და გაანაწყენოთ. თუ დღეს ვინმეს გაებუტებით, მასთან შერიგება გაგიჭირდებათ; არ გირჩევთ მგზავრობასა და მოგზაურობის დაწყებას; კარგია მუშაობა ბაღში, საოჯახო საქმეების შესრულება კი სხვა დღისთვის გადადეთ; მოერიდეთ კუჭის გადატვირთვას. უპირატესობა მიანიჭეთ წყალს, წვენებს. შეამცირეთ ალკოჰოლისა და სიგარეტის დოზაც. იკვებეთ ზომიერად, არც შიმშილობაა სასურველი და არც კუჭის გადატვირთვა. ივარჯიშეთ სასიამოვნო მუსიკის ფონზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"კვარას" დარტყმა ბალისტიკურ რაკეტას ჰგავდა... აქამდე რატომ არ აძლევდნენ ამის უფლებას?" - ხვიჩას რვა მატჩიანი უგოლო სერია დასრულდა: როგორი შეფასებები მიიღო ქართველმა
12:00 / 18-05-2024
სერია A-ს 37-ე ტურში "ფიორენტინას“ და "ნაპოლის" მატჩი 2:2 დასრულდა. "ნაპოლი" მერვე წუთზე, ამირ რრაჰმანის მეშვეობით დაწინაურდა. ხვიჩა კვარაცხელია აქტიური იყო, სამჯერ სცადა გოლის გატანა...
მეორე ტაიმის დასაწყისში კიდევ ერთი განსაცვიფრებელი საჯარიმო დარტყმით უპასუხა და გუნდი გადაარჩინა. footbal italia-ს განცხადებით, "კვარაცხელიას ძალისხმევა უბრალოდ განსაცვიფრებელი იყო."
მასპინძლები უპირატესობას დაეუფლნენ და ბირაგიმ საჯარიმოდან ანგარიში გაათანაბრა, ცოტა ხანში კი ნზოლამ ფლორენციელები წინ გაიყვანა. ამ ორ გოლს შორის ხვიჩამ ყვითელი ბარათი მიიღო.
სწრაფი კონტრიერიშისას მანდრაგორმა კვარაცხელია წესების დარღვევით შეაჩერა და ყვითელი ბარათი მიიღო. ხვიჩა 86-ე წუთზე ლინდსტრიომმა შეცვალა და შეხვედრა ფრედ დასრულდა. კვარაცხელიამ 8 მარტის შემდეგ პირველად გაიტანა და რვა მატჩიანი უგოლო სერია შეწყვიტა - მის ანგარიშზე მიმდინარე ჩემპიონატზე 33 მატჩში 11 გოლი და 6 საგოლე გადაცემაა.
რა თქვა "ნაპოლის" მთავარმა მწვრთნელმა ფრანჩესკო კალცონამ მატჩის შემდეგ ხვიჩაზე?
"კარგი მატჩი გამოვიდა, ჩემი ფეხბურთელების თამაში განსაკუთრებით პირველი 30 წუთის განმავლობაში მომეწონა. გაშვებული გოლის შემდეგ კონცენტრაცია დავკარგეთ, თუმცა მეორე ტაიმში შეხვედრის მოგებაც კი შეგვეძლო.
რაც შეეხება ხვიჩას, გუნდისთვის ძალიან მნიშვნელოვანი ფეხბურთელია, ზოგჯერ ვერ ახერხებს, რომ თავისი საუკეთესო თამაში აჩვენოს, მაგრამ ყოველთვის მონდომებულია. ის ნამდვილი ჩემპიონია, უნდა გაიზარდოს, მუდმივად უნდა ეცადოს, რომ დაცვას დაეხმაროს, მაგრამ ჯერ მხოლოდ 23 წლისაა".
"ფიორენტინას" სპორტულმა დირექტორმა დანიელე პრადემ განაცხადა, რომ "კვარას" გოლი ბალისტიკური რაკეტის დარტყმას ჰგავდა. ქართველი მეტოქე გუნდის მეკარე პიეტრო ტერაჩანომ შეაქო: "შესანიშნავი გოლი გაიტანა. ჩემი კომპლიმენტები. უნდა მივულოცო. ასეთი რამ მხოლოდ ჩემპიონებს შეუძლიათ".
ანტონიო ჯორდანო (კორიერე დელო სპორტის ჟურნალისტი): "მას უფლება აქვს კონტრაქტის გაგრძელებაზე უარი თქვას. სინიორ კვარაცხელია ჩვეულებრივი ფეხბურთელი არაა, არანორმალური ტალანტია. უნდოდა ეჩვენებინა, რომ სხვა შედევრებთან ერთად საჯარიმოდან გატანაც ეხერხება. დიდებული ტექნიკა აქვს და ფეხბურთის მბრძანებელივითაა. გოლის აღნიშვნისას შხამიანი კომენტარების ავტორებს ჟესტით პასუხი გასცა".
პაოლო ესპოზიტო (Areanapoli-ს ჟურნალისტი): "რატომ არასოდეს არ აძლევდნენ ხვიჩას საჯარიმოს შესრულების უფლებას? ასეთი გატანილი გოლი მხოლოდ ზიკოსგან მახსოვს. "ნაპოლის" თავისუფლად შეეძლო მოეგო, მაგრამ ვიქტორ ოსიმენი დიდ ხელფასს იღებს, ფეხებს უფრთხილდება და მხოლოდ პრემიერლიგაში გადასვლაზე ფიქრობს".
ქართველის თამაში ანალიტიკურმა საიტებმა შეაფასეს: Flashscore 7.8 ქულა, Sofascore 7.8 ქულა, Whoscored 7.7 ქულა.
"ნაპოლი" ჩემპიონატის ბოლო მატჩს 26 მაისს, "ლეჩეს" წინააღმდეგ გამართავს.
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მოხდება იმ შემთხვევაში თუ პირი ჯარიმას არ გადაიხდის და რა ვადებს უკავშირდება მისი აღსრულება?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
