მნიშვნელოვანი ინფორმაცია
10
მაისიდღის ზოგადი ასტროლოგიური პროგნოზი
კვირა, მთვარის მეთხუთმეტე დღე დაიწყება 20:34-ზე, მთვარე მორიელშია
კრიტიკული დღეა. არ იჩხუბოთ. ეცადეთ, ეს დღე მშვიდად განვლოთ. არ დაიწყოთ ახალი საქმეები; მოერიდეთ მნიშვნელოვანი გადაწყვეტილებების მიღებას; ფინანსური საკითხების მოგვარება სხვა დღისთვის გადადეთ; ვაჭრობისთვის არახელსაყრელი დღეა, უძრავ ქონებასთან დაკავშირებული საკითხები სხვა დღეს მოაგვარეთ. აკონტროლეთ ემოციები. არასასურველია კამათი, ჩხუბი, საქმეების გარჩევა. არ გირჩევთ სამსახურის, საქმიანობის შეცვლას. სხვა დღისთვის გადადეთ მგზავრობა და მივლინება. კარგია შემოქმედებითი საქმიანობა, საოჯახო საქმეების შესრულება. ცუდი დღეა ქორწინებისა და ნიშნობისათვის. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ლიეტუვის პირველი დიპლომატი მილიონერი მეუღლით და ოჯახის პოლიტიკური ტრადიციით - რა არის ცნობილი მინისტრზე, რომელმაც ქართველების გული მოინადირა
10:57 / 16-05-2024
"ყველამ ღიად უნდა ვილაპარაკოთ, რა შედეგები ექნება ამჟამინდელ გადაწყვეტილებებს საქართველოს ევროპული მომავლისთვის", - ამის შესახებ ლიეტუვის საგარეო საქმეთა მინისტრმა გაბრიელიუს ლანდსბერგისმა პარლამენტთან, დემონსტრანტების წინაშე სიტყვით გამოსვლის დროს განაცხადა.
მისი თქმით, ევროპა საქართველოს არასდროს დატოვებს მარტო.
"უკრაინელები ყოველ დღე კვდებიან თავისუფალ ევროპელებად ყოფნის უფლებისთვის. ბელარუსებს, რომლებიც ბედავენ და ლაპარაკობენ თავისუფლების შესახებ, აჩუმებენ პოლიციისა და კე-გე-ბეს ტერორით. არ მინდა ეს იყოს საქართველოს მომავალი. არ მინდა ფუნდამენტური გახლეჩა იყოს ხალხის სურვილს შორის, იყოს უსაფრთხოება და გარანტირებული ევროპული მომავალი და მთავრობის პოლიტიკას შორის, გაანადგურონ ეს ქვეყანა. ეს გზა ერთად დავიწყეთ და ვრჩებით წინა ხაზის ქვეყნებად, რომლებმაც იციან, თუ რა არის, იყო მოსკოვის ექსპანსიური ბრაზისა და სასოწარკვეთის გრავიტაციის წინაშე. არასდროს დაგტოვებთ მარტო, თუმცა ყველა ჩვენგანმა თავად უნდა შექმნას ისეთი ქვეყანა, რომელზეც კანდიდატი ქვეყანა ოცნებობს. ამის სწორად გაკეთების შესაძლებლობები ძალიან იშვიათია და ყოველი მცდელობა დიდ ფასად ჯდება. ყველამ ღიად უნდა ვილაპარაკოთ, რა შედეგები ექნება ამჟამინდელ გადაწყვეტილებებს საქართველოს ევროპული მომავლისთვის, სანამ ძალიან გვიანი არ იქნება. ამიტომ გეკითხებით: “სად მივდივართ?” - განაცხადა ლანდსბერგისმა.
მოგეხსენებათ, საქართველოს მასთან ერთად, კიდევ ევროკავშირის 3 ქვეყნის საგარეო საქმეთა მინისტრები სტუმრობდნენ, თუმცა ლანდსბერგისის მიმართავა განსაკუთრებულად შთამბეჭდავი გამოდგა, რამაც ლიეტუველი პოლიტიკოსის მიმართ ჩვენში ინტერესი გაზარდა.
მაშ, რა არის ცნობილი პოლიტიკოსის შთამომავალსა და ლიეტუვას პოლიტიკის მნიშვნელოვან ფიგურაზე?
გაბრიელიუს ლანდსბერგისი 1982 წლის 7 იანვარს, ვილნიუსში დაიბადა. პროფესიით ისტორიკოსია, აღნიშნულ სპეციალობაზე ვილნიუსის უნივერსიტეტში სწავლობდა, ასევე ამავე უნივერსიტეტში დაამთავრა საერთაშორისო ურთიერთობებისა და პოლიტიკის მეცნიერებების ფაკულტეტი. საერთაშორისო ურთიერთობების მიმართულებით კი მაგისტრის ხარისხი აქვს. ის 2020 წლის 11 დეკემბრიდან არის ლიეტუვის საგარეო საქმეთა მინისტრი.
2020 წლის მარტიდან ნოემბრამდე იყო ოპოზიციის ლიდერი.
2016-2020 წლებში იყო მე-12 მოწვევის ლიეტუვის სეიმის წევრი. 2014-2016 წლებში ევროპარლამენტის წევრი ლიეტუვიდან.
2015 წლიდან კი პარტია "სამშობლოს კავშირი - ქრისტიან დემოკრატების“ თავმჯდომარე.
ოჯახი და ქონება
ლანდსბერგისი ერთ-ერთი ყველაზე მდიდარ ლიეტუველ პოლიტიკოსად მიიჩნევა. ლიეტუვის სეიმის წევრობის პერიოდში (2016-2020 წლები) ის სეიმის 5 ყველაზე მდიდარ წევრს შორის დასახელდა. სხვადასხვა წყაროებში აღნიშნულია, რომ ქონება, პირველ რიგში, დაკავშირებულია მისი მეუღლის ქონებასთან.
გაბრიელიუს ლანდსბერგისი დაქორწინებულია აუსტეა ლანდსბერგენეზე. ისინი უკვე 20 წელზე მეტია ერთად ცხოვრობენ და 4 შვილი ჰყავთ. დიპლომატის ცოლი პროფესიით ფილოლოგი და განათლების საკითხების ექსპერტია. 2016 წელს აუსტეა ლიეტუვის წლის ქალად დაასახელეს წვლილისთვის, რომელიც განათლების სისტემის უკეთ მუშაობაში შეაქვს.
ქალს გარდა ვილნიუსის უნივერსიტეტისა, განათლება აშშ-შიც აქვს მიღებული, სწავლობდა მასაჩუსეტსის უნივერსიტეტში საერთაშორისო განათლების მიმართულებით. ქმარზე 5 წლით უფროსია.
ლიეტუვის სახელმწიფო საგადასახადო ინსპექციის (STI) თანახმად, ბალტიისპირეთის რესპუბლიკის უმდიდრესი საზოგადო მოღვაწე გახლავთ საგარეო საქმეთა სამინისტროს ხელმძღვანელის მეუღლე აუსტეა ლანდსბერგენე.
ამავე ინფორმაციაში აღნიშნულია, რომ ის ფლობს კერძო სკოლებისა და საბავშვო ბაღების ქსელს, რომლის საერთო ღირებულება სულ ცოტა, 17,7 მილიონი ევროა. კერძოდ, ეს მოიცავს 12,6 მლნ ევროს აქციებს და კიდევ 3,6 მლნ ევროს ფასიან ქაღალდებს. ლინდსბერგენე ასევე ფლობს 795 000 ევროს ღირებულების უძრავ ქონებას საზღვარგარეთ და 178 000 ევროს ღირებულების მიწას ლიეტუვაში.
რაც შეეხება მისი მეუღლის ქონებას, მისი ჯამური ღირებულება 194 000 ევროა, ამასთანავე, ლიეტუველი პირველი დიპლომატის მფლობელობაში არსებული მიწის ნაკვეთების ნომინალური ღირებულება 175 000 ევროს შეადგენს. აღსანიშნავია ისიც, რომ პოლიტიკოსმა ბოლო წლების განმავლობაში ფასიანი ქაღალდები 8600-დან 1700 ევრომდე შეამცირა.
ბაბუა და მამა
ლანდსბერგისი ლიეტუვაში ცნობილი ოჯახიდანაა, მისი ბაბუა ვიტაუტას ლანდსბერგისი პოლიტიკოსი იყო და აქტიურად მონაწილეობდა საბჭოთა კავშირის დაშლის დროს ლიეტუვის მიერ დამოუკიდებლობის გამოცხადებისას მიმდინარე პოლიტიკურ პროცესებში. აღსანიშნავია, რომ ბაბუა ასევე ცნობილია, როგორც მუსიკათმცოდნე და ჟურნალისტი. ის იყო ლიეტუვის მიერ დამოუკიდებლობის გამოცხადების შემდეგ ქვეყნის მეთაური - დამოუკიდებელი რესპუბლიკის სეიმის პირველი თავმჯდომარე.
მინისტრის მამა კი ცნობილი ლიეტუველი მწერალი, ჟურნალისტი და რეჟისორია.
იხილეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
