მნიშვნელოვანი ინფორმაცია
12
მაისიდღის ზოგადი ასტროლოგიური პროგნოზი
ორშაბათი, მთვარის მეთექვსმეტე დღე დაიწყება 21:55-ზე, მთვარე მორიელშია
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ.
კარგი დღეა იურიდიული საკითხების მოსაგვარებლად, სასამართლო პროცესების დასაწყებად. კარგი დღეა შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ხომ შეიძლება საფრთხობელასაც ჰქონდეს ფაქიზი სული?!" - სევდიანი კომედია ბედნიერების მაძიებელ წყვილზე
15:08 / 13-05-2024
დავით საყვარელიძის სპექტაკლი „იაკიში და პუპჩე“ სოხუმის სახელმწიფო დრამატული თეატრის სცენაზე ბრუნდება! ერთ მოქმედებიანი წარმოდგენა 14 , 15 და 17 მაისს, 20:00 საათზე გაიმართება.
სევდიანი კომედია მახინჯი, ღარიბი და მარტოხელა იაკიშისა და მასავით შეუხედავი პუპჩეს შესახებ მოგვითხრობს. იაკიშს მარტოობა ეძნელება, ჭკუიდან შლის. „მე არ მყავს და ალბათ, არასდროს მეყოლება ქალი“... - ამბობს სასოწარკვეთილი და თითქოს ბედს შეგუებული, თუმცა მის გულში ბედნიერების მცირე იმედი მაინც ბჟუტავს. იქით კი პუპჩე იტანჯება, მოზღვავებულ ჰორმონებს ვერაფრით აცხრობს, მამაკაცთან შეხვედრაზე და ქმარ-შვილზე ოცნებობს: „მახინჯი ვარ, მაგრამ საფრთხობელასაც ხომ შეიძლება ჰქონდეს ფაქიზი სული?!“
სწორედ ამ დროს „გამოჩნდება სინათლე გვირაბის ბოლოს“ და წყვილი ერთმანეთს ხვდება. თუმცა მათი ქორწინების შემდეგ, სიძე-პატარძლის მშობლები შეიტყობენ, რომ ახალგაზრდებს ხორციელთათვის წმინდა ცნების „ინაყოფიერეთ და გამრავლდით“ აღსრულება არ შეუძლია. სასოწარკვეთილნი გამოსავლის ძებნას იწყებენ და ყველა ერთად ერთვება ამ „გრანდიოზული, ფეერიული პროექტის“ განხორციელებაში...
(სპექტაკლის პრემიერა 2017 წლის 21 ივლისს, რეგიონული თეატრების, ფოთის საერთაშორისო ფესტივალზე შედგა და გამარჯვებული გახდა ნომინაციაში „ფესტივალის საუკეთესო სპექტაკლი“.
„იაკიში და პუპჩე“ ასევე გამარჯვებულია „საუკეთესო სპექტაკლის“ ნომინაციაში რამდენიმე ადგილობრივ თუ საერთაშორისო თეატრალურ ფესტივალზე).
ხანონ ლევინი 1943 წელს თელ-ავივში (ისრაელი) დაიბადა. პოეტმა და დრამატურგმა, თეატრალური წარმოდგენების რეჟისორმა, თანამედროვე ებრაული ლიტერატურის კლასიკოსმა, დაწყებითი განათლება რელიგიურ სკოლაში მიიღო, შემდეგ კი ფილოსოფია და ლიტერატურა თელ-ავივის უნივერსიტეტში შეისწავლა. პიესების პარალელურად, წერდა ლექსებსა და სიმღერებს. 50-მდე პიესის ავტორის ნაწარმოებები სცენაზე არაერთმა რეჟისორმა განახორციელა, ამავდროულად ხანონ ლევინმა სხვადასხვა წლებში თავისივე შექმნილი 22 პიესა დადგა ისრელის თეატრების სცენებზე. მისი შემოქმედება ჟანრობრივად მრავალფეროვანია. მათ შორისაა: კომედია, სატირა, ტრაგედია და ასევე თეატრალური სკეტჩები.
1999 წელს, 55 წლის დრამატურგი სიმსივნის დიაგნოზით გარდაიცვალა. არაერთი პრემიის და ჯილდოს ავტორის პიესები, დღემდე მსოფლიოს სხვადასხვა ქვეყნის თეატრის სცენაზე იდგმება.
ხანოხ ლევინის პიესის მიხედვით დადგმული სპექტაკლის ავტორი - დავით საყვარელიძეა, რეჟისორის თანაშემწე - სვეტლანა გოგოხია.
მოქმედი პირნი და შემსრულებელნი: იაკიში – ჯანო იზორია, პუპჩე – ნინო შავგულიძე, იაკიშის დედა – სანათა ძაძამია, იაკიშის მამა – ნიკოლოზ წერედიანი, პუპჩეს დედა – მარინა სოლომონია, პუპჩეს მამა – დავით ბერაძე, ლეიბეხი – პაატა ვახტანგიშვილი, მადამ პორცედესი – ბადრი ბეგალიშვილი, შამპინიე სანდელიე –თათა გავაშელიშვილი.
(16+) (სპექტაკლის ხანგრძლივობა: 1 სთ. 20 წთ).
ბილეთები | TKT.GE
თეატრის მის.: დიმიტრი უზნაძის ქ. №68
გუგლ მეფის ლინკი: https://goo.gl/maps/dHXQkALzAK1BfSPD8
სოხუმის თეატრის საინფორმაციო მხარდამჭერები არიან: ambebi.ge • ამბები.ge და Palitranews - პალიტრანიუსი
R
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
