11
მაისიდღის ზოგადი ასტროლოგიური პროგნოზი
დედამიწას, 165 წლის განმავლობაში, ყველაზე ძლიერი მზის ქარიშხალი დაატყდა თავს - პლაზმის ექვსი ნაკადი, რომელიც ამ კვირაში მზიდან ამოიფრქვა, ჩვენს ატმოსფეროში წუხელ შემოვიდა - ინფორმაციას ოკეანისა და ატმოსფეროს ეროვნული ადმინისტრაცია (NOAA) ავრცელებს.
მსგავსი შემთხვევა ბოლოს 1859 წელს დაფიქსირდა - ევროპასა და ჩრდილოეთ ამერიკაში გაწყდა სატელეგრაფო კავშირი, პოლარული ციალი კი კარიბის ზღვის კუნძულების მაცხოვრებლებმაც დაინახეს.
ამ სიდიდის გეომაგნიტურმა ქარიშხალმა შეიძლება გამოიწვიოს ფართო ელექტრო შეფერხებები და ინფრასტრუქტურის დაზიანება. აშშ-ში, ღამის ცაზე შესაძლებელი იყო ჩრდილოეთის ნათების დანახვა.
- რა არის გეომაგნიტური ქარიშხალი და როგორ მოქმედებს ის ადამიანზე
გეომაგნიტური ქარიშხლის დროს დედამიწის მაგნიტური ველი ირღვევა, რომელსაც მზეზე აფეთქებები იწვევს. ასეთმა რყევებმა შეიძლება უარყოფითად იმოქმედოს როგორც საკომუნიკაციო სისტემების მუშაობაზე, ასევე ადამიანის ჯანმრთელობაზე.
მეცნიერებმა აქამდე ვერ დაადგინეს, თუ როგორ მოქმედებს მაგნიტური ქარიშხალი ადამიანებზე. ასეთ დღეებში ცუდი ჯანმრთელობის მქონე ადამიანებს დაავადებები უაქტიურდებათ. ამინდზე დამოკიდებული ადამიანები, მოხუცები, ორსული ქალები და ქრონიკული დაავადებების მქონე პირები კი ყველაზე მკვეთრად გრძნობენ მაგნიტურ ქარიშხალს.
ზოგიერთი კვლევის მიხედვით, მაგნიტური ქარიშხლის დროს, სისხლის შესქელება იმატებს. თუ ჯანმრთელი ადამიანისთვის ეს სრულიად უსაფრთხოა, გულ-სისხლძარღვთა დაავადებების რისკის ქვეშ მყოფისთვის, ინსულტის ან გულის შეტევის მაპროვოცირებელი შეიძლება გახდეს.
წყარო: telegraph
