რას წერდა ეკა ამირეჯიბი ე.წ. აგენტების კანონპროექტზე და რას აქვეყნებს "იმედიდან" მისი წასვლის თაობაზე ცნობის გავრცელების შემდეგ?
გავრცელებული ინფორმაციით, ტელეკომპანია "იმედი" პროტესტის ნიშნად რამდენიმე წამყვანმა დატოვა, მათ შორის არის ეკა ამირეჯიბი. მან ამ ინფორმაციის გავრცელების შემდეგ გამოაქვეყნა ფრაგმენტი მულტფილმიდან "სიზმარა" და დაწერა: "ამას სიკვდილი, იმას ჩამოხრჩობა!"
როგორც მისი "ფეისბუქგვერდიდან" ჩანს, ის პროტესტს ქვეყანაში შექმნილი პოლიტიკური პროცესების გამო აქამდეც გამოთქვამდა და ე.წ. აგენტების კანონპროექტის ხელახლა ინიციირების გამო შექმნილ ვითარებაზე წერდა:
"როდესაც ძ ა ლ ა უ ფ ლ ე ბ ი ს სიყვარული გადაწონის სიყვარულის ძალაუფლებას ასე ხდება. ყრუ კედელი… რომელიც თითქოს ადამიანების ხმას აღარ ატარებს.
“მშვიდობის ქალაქს”, “ევროპულ ქალაქს” როგორც თვითონ უწოდებთ ხოლმე ხშირად, შეგიძლიათ თქვენ თვითონ დაუბრუნოთ სიმშვიდე, დაუბრუნოთ გაზაფხული, სტუდენტები კი დაუბრუნოთ ლექციებს აუდიტორიებში. პირველ რიგში, თქვენ ხართ ვალდებული ამ ბეწვის ხიდზე რაც დღეს შეიქმნა, ყველაზე ფრთხილად და უსაფრთხოდ გაატაროთ საკუთარი მოქალაქეები, საქართველოს მთავრობა", - წერდა ამირეჯიბი 1-ელ მაისს.
უფრო ადრინდელ პოსტში კი ვკითხულობთ:
"ერთადერთი ქვეყანა იწონებს ამ კანონის მიღებას საქართველოში. სხვა - არავინ. თუნდაც მოზამბიკური დავარქვათ".
იხილეთ ასევე: