საქართველო "ევროვიზიის" ფინალშია - ნუცა ბუზალაძე 10 საუკეთესოს შორის მოხვდა
ცოტა ხნის წინ ევროვიზიის" ნახევარფინალი გაიმართა, სადაც საქართველოს სახელით სცენაზე ნუცა ბუზალაძე წარსდგა. მან სიმღერა "Firefighter" შეასრულა. საქართველოს წარმომადგენელი მეთერთმეტე ნომრად გამოვიდა და "მიყვარხარ საქართველო" - ამ სიტყვებით დაასრულა გამოსვლა.
- ნუცას ბედი კონკურსში შესული ხმების რაოდენობაზე იყო დამოკიდებული. აქვე უნდა ვთქვათ, რომ საქართველოს თავისი წარმომადგენლისთვის ხმის მიცემა არ შეეძლოთ, ამიტომ უცხოეთში მცხოვრები ქართველების მხარდაჭერა უმნიშვნელოვანესი და გადამწყვეტი იყო. 7 წლიანი ლოდინის შემდეგ ნუცამ შეძლო ჩვენი ქვეყანა ფინალში გაეყვანა.
ფინალში გადავიდნენ: ლატვია, ავსტრია, ნიდერლანდები, ნორვეგია, ისრაელი, საბერძნეთი, ესტონეთი, შვეიცარია, საქართველო, სომხეთი
წლევანდელ ევროვიზიაზე ნუცა ბუზალაძე საზოგადოებრივმა მაუწყებელმა პირდაპირი გზით, შიდა შესარჩევი კონკურსის გარეშე იანვარში შეარჩია. კონკურსზე გასატანი სიმღერა როგორც ცნობილია, 300-ზე მეტი განაცხადიდან შეირჩა.
შეგახსენებთ, რომ ნუცა ბუზალაძე ევროვიზიის შიდა შესარჩევ კონკურსში 2017 წელსაც მონაწილეობდა. მომღერალმა მაშინ მე-2 ადგილი დაიკავა.
რიგით 68-ე ევროვიზიის სიმღერის კონკურსს შვედეთი მასპინძლობს, რომელშიც 37 ქვეყანა მონაწილეობს. პირველი ნახევარ ფინალი 7 მაისს გაიმართა, ნუცა ბუზალაძე მეორე ნახევარ ფინალში 9 მაისს წარსდგა. ფინალი 11 მაისს გაიმართება.
ნახეთ ასევე: