მნიშვნელოვანი ინფორმაცია
11
მაისიდღის ზოგადი ასტროლოგიური პროგნოზი
კვირა, მთვარის მეთხუთმეტე დღე დაიწყება 20:34-ზე, მთვარე მორიელშია
კრიტიკული დღეა. არ იჩხუბოთ. ეცადეთ, ეს დღე მშვიდად განვლოთ. არ დაიწყოთ ახალი საქმეები; მოერიდეთ მნიშვნელოვანი გადაწყვეტილებების მიღებას; ფინანსური საკითხების მოგვარება სხვა დღისთვის გადადეთ; ვაჭრობისთვის არახელსაყრელი დღეა, უძრავ ქონებასთან დაკავშირებული საკითხები სხვა დღეს მოაგვარეთ. აკონტროლეთ ემოციები. არასასურველია კამათი, ჩხუბი, საქმეების გარჩევა. არ გირჩევთ სამსახურის, საქმიანობის შეცვლას. სხვა დღისთვის გადადეთ მგზავრობა და მივლინება. კარგია შემოქმედებითი საქმიანობა, საოჯახო საქმეების შესრულება. ცუდი დღეა ქორწინებისა და ნიშნობისათვის. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"როცა ვუყურებ იმ კადრებს, რომ ვუყურებ ჩემს ხალხს, გული მტკივა... ჩემს მესიჯს სცენიდან ვიტყვი" - რას ამბობს ნუცა ბუზალაძე საქართველოში განვითარებულ მოვლენებზე
10:50 / 07-05-2024
წელს "ევროვიზიის" სიმღერის კონკურსს შვედეთი უმასპინძლებს. საქართველოს კი კონკურსზე ნუცა ბუზალაძე წარადგენს. ნუცა მეორე ნახევარფინალში, 9 მაისს გამოვა სცენაზე და ფინალურ ეტაპზე გადასვლას სიმღერით "Firefighter" შეეცდება.
აღსანიშნავია, რომ ბოლო დროს საქართველოში განვითარებული მოვლენების გამო, რომელიც ე.წ. აგენტების კანონპროექტს უკავშირდება, საზოგადოების ნაწილი ნუცას აზრის გამოხატვას სთხოვს და დუმილის გამო აკრიტიკებს. აღნიშნულ თემასთან დაკავშირებით მომღერალმა ქართულ-იტალიურ ტელევიზია KNTV-სთან ისაუბრა.
- ნუცა ბუზალაძე:
"ვფიქრობ, რომ ჩემს პოზიციას ბავშვობიდან ვამტკიცებ იმ ყველაფრით, რაც გამიკეთებია ცხოვრებაში და ყველა ქვეყანაში სადაც ჩავდივარ, ყოველთვის ჩემი ქვეყნის დროშა ფრიალებს, ყველგან, არასდროს სხვა ქვეყნის სახელით მონაწილეობა არსად მიმიღია, მიუხედავად იმისა, რომ შემოთავაზებები ბევრი იყო, მაგრამ ჩემი ქვეყანა ისე მიყვარს.... ისეთი ადამიანის ოჯახიდან ვარ, მამაჩემი ყველა ომში პირველ ხაზზე იბრძოდა და ეს მებრძოლი ხასიათი მე გამოყოლილი მაქვს.
ჩემი სიმღერაც მინდოდა ყოფილიყო ჩვენი ხალხის და ქართველი ქალის ხასიათის წარმოსაჩენი. რა თქმა უნდა, ჩემი მესიჯი ნათელია, ჩემი პოზიციაც მე ვთვლი, რომ ნათელია, იქიდან გამომდინარე, რომ სადაც გამოვდივარ ახლა, ამ კონკურსზე.
რა თქმა უნდა, როცა ვუყურებ იმ კადრებს რაც ხდება და რომ ვუყურებ ჩემს ხალხს, გული მტკივა და მართლა ძალიან განვიცდი ამ ყველაფერს... მაგრამ მე ყველაფერს გავაკეთებ იმისთვის, რომ 9 მაისს ჩემმა ხალხმა ძალიან იამაყოს, ყველაფერს გავაკეთებ, რომ ცხრა მაისს შევძლო და გავაერთიანო ჩვენი საქართველო, როგორც ეს ხდებოდა American Idol-ის დროს, ჩემს მესიჯს რა თქმა უნდა, სცენიდან ვიტყვი", - აღნიშნა ბუზალაძემ.
- რაც შეეხება უშუალოდ კონკურსს, ბუზალაძის შესახებ სხვადასხვა უცხოური გამოცემები წერენ, მათ შორის არის BBC, რომელიც აქვეყნებს სტატიას, სადაც 37 კონკურსანტის შესაძლებლობებია განხილული, გამოცემა აღნიშნავს, რომ ნუცას დიდი სასცენო გამოცდილება და შაკირას დონის ქორეოგრაფია აქვს.
"და ბოლოს, არის ნუცა ბუზალაძე, რომლის სიმღერა Firefighter იხსნება ჭექა-ქუხილით და მისი ტექსტი ფერფლიდან ფენიქსივით გამოსვლის შესახებაა. ის შარშან American Idol-ში მონაწილეობდა და სცენაზე ქაილი მინოუგთან ერთად გამოვიდა. ნუცას სცენაზე ყოფნის გამოცდილება და შაკირას დონის ქორეოგრაფია აქვს.
ამ სიმღერამ ის ფინალამდე უნდა გაიყვანოს", - ვკითხულობთ სტატიაში.
ცნობისთვის, ევროვიზიის სიმღერის კონკურსი 7 მაისს დაიწყება, ნუცა 9 მაისს, მეორე ნახევარფინალში გამოვა. ფინალი კი 11 მაისს გაიმართება.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
