"მე ვხვდები ჩემზე ასაკით პატარა მამაკაცებს, რადგან ჩემხელა ყველა მკვდარია“ - ლეგენდარული შერის ხუმრობა და საუბარი მამაკაცებზე

ამ ცოტა ხნის წინ, 77 წლის ლეგენდარული მომღერალი შერი, ჯენიფერ ჰადსონის შოუს ესტუმრა და მამაკაცების მიმართ დამოკიდებულებაზე ისაბრა.

მისი თქმით, თავისი ასაკის მამაკაცების გარშემო თავს არაკომფორტულად გრძნობს და ახალგაზრდა მამაკაცების წრეს ამჯობინებს.

შერიმ იხუმრა კიდეც: "მე ვხვდები ჩემზე ასაკით პატარა მამაკაცებს, რადგან ჩემხელა ყველა მკვდარია“.

აღსანიშნავია, რომ მანამდე ერთ-ერთ ინტერვიუში მომღერალმა ისიც კი აღიარა, რომ თავდაპირველად მასზე ასაკით უმცროს მამაკაცთან ურთიერთობის წინააღმდეგი იყო: "ჩემს მეგობრებს ყოველთვის ვეუბნებოდი,რომ არ გაებათ რომანი უმცროს მამაკაცთან. ამისთვის ზედმეტად ასაკში ვართ. რა თქმა უნდა, არის საკითხები, რომელშიც ერთმანეთს საერთოდ ვერ ვუგებთ: ხანდახან ჩემი თაობის მომღერლებს ვიხსენებ, მას კი წარმოდგენაც არ აქვს ვისზე ვსაუბრობ".

მიუხედავად მსგავსი უმნიშვნელო უთანხმოებისა, მომღერალი მაინც აღნიშნავს, რომ ყველა ქალმა ცხოვრებაში ერთხელ მაინც უნდა გამოსცადოს ასაკით უმცროს მამაკაცთან ურთიერთობა.

შერიმ ასევე გაამხილა, რომ განსაკუთრებულ ყურადღებას, ლეგენდარული ელვის პრესლისგანაც გრძნობდა, თუმცა უარის თქმა მოუწია პრესლის რეპუტაციის და მისი გარემოცვის გამო.

ცნობისთვის, 77 წლის შერის რჩეული 38 წლის ალექსანდრე "AE" ედვარდსია.