მნიშვნელოვანი ინფორმაცია
8
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მილიონერი მამა ე.წ. აგენტების კანონპროექტს მხარს უჭერს, მისი ქალიშვილი კი წერს: "გვერდში ვუდგავარ თითოეულ თქვენგანს, ვინც ასე იბრძვით ქვეყნის მომავლისთვის... არა რუსულ კანონს!"
19:49 / 06-05-2024
ბიზნესმენ ლევან ფხაკაძის ქალიშვილი ანი ფხაკაძე სოციალურ ქსელში ე.წ. აგენტების კანონპროექტის გარშემო განვითარებულ მოვლენებს ეხმაურება.
ცნობილი ინფლუენსერი წერს:
"ამ ბოლო რამდენიმე დღის განმავლობაში ბევრი ადამიანი მწერს და ითხოვს ჩემგან პოზიციის დაფიქსირებას საქართველოში მიმდინარე მოვლენებთან დაკავშირებით.
მე ყოველთვის შორს ვიყავი პოლიტიკისგან და თავს ვიკავებდი განცხადებების გაკეთებისგან, მაგრამ დღეს უბრალოდ მთელი გულით მინდა, რომ ორიოდე სიტყვა გითხრათ: მე გვერდში ვუდგავარ თითოეულ თქვენგანს, რომლებიც გარეთ ხართ შეკრებილები და ასე იბრძვით ქვეყნის მომავლისთვის.
მე ყოველთვის ძალიან გულწრფელი ვიყავი ჩემი გამომწერების მიმართ და ამიტომაც თქვენგან ძალიან დიდ სითბოსა და პატივისცემას ვგრძნობდი.
უკვე 12 წელია ევროპაში ვცხოვრობ და ჩემს ოჯახთან ერთად მთელი გულით ვიზეიმე ევროკავშირის სტატუსის მიღება.
დღეს მე ძალიან გული მწყდება, რომ ვხედავ ამ ბოლო დღეებში ჩემი ოჯახის მიმართ ნეგატიურ დამოკიდებულებას.
ჩვენ გავიზარდეთ დასავლური ღირებულებებით და ყველა, ვინც იცნობს ჩემს ოჯახს ან ჰქონია მათთან მცირეოდენი შეხება, ძალიან კარგად იცის, რომ ისინი ყოველთვის გვერდში უდგანან ქართველ ხალხს და წლების განმავლობაში ოჯახსა თუ მის გარეთ ამკვიდრებენ სწორედ რომ დასავლურ ღირებულებებს და ფასეულობებს.
მე ყოველთვის გვერდში ვუდგავარ და ვედგები ჩემს საქართველოს, ჩემს ოჯახსა და ჩემს მეგობრებს! არა რუსულ კანონს!"
ცნობისთვის, ლევან ფხაკაძემ რამდენიმე დღის წინ მიმართვა გაავრცელა, რომელშიც აღნიშნულია, რომ "გამჭვირვალობის და ღია პროცედურების/რეგულაციების გარეშე შეუძლებელია ქვეყნის სუვერენიტეტის და დემოკრატიის შენარჩუნება".
მისივე თქმით, გამჭვირვალობა კი არ აზიანებს ქვეყნის ინტერესებს, პირიქით, მნიშვნელოვნად ზრდის ანგარიშვალდებულების, საზოგადოების ინფორმირებულობის, საჯარო ინფორმაციის ხელმისაწვდომობის სწორედაც ევროპულ სტანდარტებს.
იხილეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
