"ქანიეს და ბიანკას დასცინის?" - გურამ გვასალიას და Doja Cat-ის უჩვეულო სტილი და ფოტოები ნიუ იორკიდან: რას წერენ სოციალურ ქსელში

Vetements-ის დამფუძნებელი და შემოქმედებითი დირექტორი, გურამ გვასალია ნიუ იორკში, ამერიკელ მომღერალთან, რეპერთან, Doja Cat-თან ერთად გამოჩნდა. ფოტოები გურამმა "ინსტაგრამზე" გამოაქვეყნა. ფოტოებმა ყურადღება მიიქცია, რადგან ისინი საკმაოდ უჩვეულოდ გამოიყურებიან და ბევრს ქანიე ვესტისა და ბიანკა ცესორის სტილი გაახსენა.

შესაძლოა, ქართველი დიზაინერისთვის შთამაგონებელი სწორედ ქანიე და მისი ცოლი არიან.

ფოტოებს არაერთი კომენტარი მოჰყვა:

"რატომ არ აცვიათ ქალებს თითქმის არაფერი და რატომ აცვიათ კაცებს ორი ადამიანის სამოსი?"

"ქანიეს და ბიანკას დასცინის?"

"ქანიეს გავლენა, ახალს ვეღარაფერს გვთავაზობთ". - წერენ კომენტარებში.

აღსანიშნავია, რომ ფოტოები Vetements-ის ოფიციალურ გვერდზეც გამოქვეყნდა. გურამ გვასალიას ფოტოები განსაკუთრებული ყურადღების ობიექტი კიდევ ერთი მიზეზის გამოა - ეს კადრები მოდის მთავარი ცერემონიის Met Gala-ს გამართვამდე რამდენიმე დღით გამოქვეყნდა.

სავარაუდოდ, ცერემონიის წითელ ხალიჩაზე გურამი Doja Cat-თან ერთად გამოჩნდება.