მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"აღშფოთებული ვარ პოლიციის ძალადობით...ირაკლი კობახიძე, გაიწვიე ეს კანონი" - მწვავე გამოხმაურებები ევროპარლამენტიდან და გერმანიის პარლამენტიდან
12:00 / 01-05-2024
"საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს, - ამის შესახებ ევროკავშირის უმაღლესი წარმომადგენელი საგარეო საქმეთა და უსაფრთხოების საკითხებში, ჯოზეფ ბორელი აცხადებს.
„მე მკაცრად ვგმობ ძალადობას საქართველოში დემონსტრანტების მიმართ, რომლებიც უცხოური გავლენის შესახებ კანონის წინააღმდეგ მშვიდობიან დემონსტრაციას ახდენდნენ. საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს, მისი ჩახშობისთვის ძალის გამოყენება მიუღებელია“, - წერს ჯოზეფ ბორელი X-ზე.
- "ჩვენ ივანიშვილის წინააღმდეგ სანქციების დაწესებაზე უნდა ვისაუბროთ", - ამის შესახებ ევროპარლამენტარმა, ვიოლა ფონ კრამონმა POLITICO-ს განუცხადა.
"ხელისუფლებამ დემონსტრანტების დასაშლელად წყლის ჭავლი გამოიყენა. სპეცრაზმმა ხალხს გაფრთხილების გარეშე რამდენჯერმე შეუტია. ათობით ადამიანს სცემეს და უკან დაახევინეს. ქაოსს, იმ ადგილებში, სადაც დემონსტრანტები იდგნენ, ცრემლსადენი გაზი დაემატა.
მაშინ როდესაც სპეცრაზმი თბილისის ცენტრალური ქუჩების გაწმენდას აგრძელებდა, გერმანელმა ევროპარლამენტარმა და ევროპარლამენტის საგარეო ურთიერთობათა კომიტეტის წევრმა, ვიოლა ფონ კრამონმა სამეზობლოსა და გაფართოების შესახებ მოლაპარაკების საკითხებში ევროკომისიის გენერალურ დირექტორს, ხერტ იან კოოპმანს, მოუწოდა, რომ დემონსტრანტების დარბევის შემდეგ საქართველოს მთავრობასთან მკაცრი პოზიცია დაიჭიროს“, - წერს POLITICO.
"მან უნდა გამოაცხადოს, რომ ევროკავშირთან თანამშრომლობა არ იქნება. ყველა კრიტერიუმი, რომელსაც საქართველო უნდა აკმაყოფილებდეს, არ დაკმაყოფილდა და ეს ახალი ესკალაცია ყველა იმ სამოქალაქო სტანდარტს აშკარად ეწინააღმდეგება, რომელსაც საქართველო უნდა აკმაყოფილებდეს. ჩვენ ივანიშვილის წინააღმდეგ სანქციების დაწესებაზე უნდა ვისაუბროთ“, - განაცხადა ვიოლა ფონ კრამონმა.
- "აღშფოთებული ვარ, თბილისში, აქციის მონაწილეების წინააღმდეგ პოლიციის მიერ გამოყენებული ძალადობის ამსახველი კადრებით, - ასე გამოეხმაურა ევროპარლამენტარი, მირიამ ლექსმანი სპეცრაზმის მიერ დემონსტრანტების წინააღმდეგ ძალის გამოყენებას.
„აღშფოთებული ვარ, თბილისში, აქციის მონაწილეების წინააღმდეგ პოლიციის მიერ გამოყენებული ძალადობის ამსახველი კადრებით. ეს სამართალდამცავი ორგანო არ არის. სიტუაციის განმუხტვის ნაცვლად, „ქართული ოცნების“ ხელისუფლება დაძაბულობასა და პოლარიზაციას ამწვავებს და საქართველო რუსული სტილის ავტორიტარიზმისკენ მიჰყავს“, - წერს მირიამ ლექსმანი X-ზე.
- "ირაკლი კობახიძე, გაიწვიე „უცხოელი აგენტების“ შესახებ კანონი" - ამის შესახებ გერმანიის პარლამენტის (ბუნდესტაგი) საგარეო საქმეთა კომიტეტის თავმჯდომარე, მაიკლ როთი აცხადებს.
"ძვირფასო ირაკლი კობახიძე, შენი მოქალაქეების წინააღმდეგ, რომლებიც ევროპული ღირებულებებისთვის ქუჩებში მშვიდობიან დემონსტრაციებს აწყობენ, ძალადობა სასწრაფოდ შეწყვიტე. გაიწვიე „უცხოელი აგენტების“ შესახებ კანონი. არ გაანადგურო საქართველოს მომავალი, რომელიც ევროპის გულშია!“ - წერს მაიკლ როთი X-ზე.
ცნობისთვის, ევროკავშირის წარმომადგენლობის ინფორმაციით, ხერტ იან კოოპმანსი საქართველოს 1-2 მაისს ეწვევა.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
