"ჩვენი ხმა იმიტომ არ ესმით, რომ ეს ყველაფერი მოდის სხვა ქვეყნიდან და ეს ქვეყანა არის რუსეთი" - მსახიობ ირაკლი კვირიკაძის კომენტარი აქციიდან
ე.წ. აგენტების კანონპროექტის საწინააღმდეგო აქციაზე პარლამენტთან იმყოფება ახალი თაობის წარმატებული მსახიობი ირაკლი კვირიკაძე, რომელიც ამბობს, რომ დღეს ამ პროტესტში მონაწილეობა ყველას ვალია.
"ეს ყველა იმ ქართველის ვალია, ვისაც გვინდა დამოუკიდებელ ქვეყანაში ცხოვრება, გვინდა, რომ ჩვენი შვილები ცხოვრობდნენ განვითარებულ, თავისუფალ და ევროპულ საქართველოში.
ჩვენ ხმა იმიტომ არ ესმით, რომ ეს ყველაფერი მოდის სხვა ქვეყნიდან და ეს ქვეყანა არის რუსეთი, რაც უკვე ნათლად ჩანს. ქუჩაში ვიდგებით მანამ, ვიდრე ჩვენ მოთხოვნები არ შესრულდება. ეს თუ მიიღეს, ეს ნიშნავს, რომ ქვეყანა იკეტება და ჩვენი, როგორც სახელმწიფოს არსებობა დგება კითხვის ნიშნის ქვეშ. აქ ვიდგები მანამ, სანამ შემეძლება“.