"აქციებზე შევხვდებით" - ლაზარე გრიგორიადისმა  საპატიმრო დაწესებულება დატოვა (ვიდეო)

ლაზარე გრიგორიადისმა საპატიმრო დაწესებულება დატოვა

შეგახსენებთ, ამ ცოტა ხნის წინ ცნობილი გახდა, რომ საქართველოს პრეზიდენტმა სალომე ზურაბიშვილმა ლაზარე გრიგორიადისის შეწყალების აქტი გამოსცა..ლაზარემ საპატიმროს დატოვების შემდეგ, უპირველესად მადლობა გადაუხადა პრეზიდენტს. ასევე თქვა, რომ ბრძოლა გრძელდება.

"აქციებზე შევხვდებით", - განაცხადა ლაზარემ.

ცნობისთვის, 2023 წლის მარტის აქციებზე პოლიციელების ჯანმრთელობის ხელყოფისა და სახელმწიფო ქონების განადგურების ბრალდებით დაკავებული 21 წლის ლაზარე გრიგორიადისი სასამართლომ დამნაშავედ ცნო.

თბილისის საქალაქო სასამართლოს მოსამართლის, ზვიად შარაძის გადაწყვეტილებით, ლაზარე გრიგორიადისს თავისუფლების 9 წლით აღკვეთა მიესაჯა.

ასევე იხილეთ:

• "მადლობა მინდა ვუთხრა პრეზიდენტს - ბრძოლა გრძელდება..." - ლაზარე გრიგორიადისი