"შარშან გვეგონა ყველაფერი დამთავრდა, რადგან "რუსული კანონი უკან გაიწვიეს" - თამარ ჭოხონელიძე
პარლამენტში "უცხოური გავლენის გამჭვირვალობის შესახებ" კანონპროექტის განხილვა დაიწყო. ფრაქცია "ქართული ოცნების" მიერ წარდგენილ პროექტს დღეს იურიდიულ საკითხთა კომიტეტი, პირველი მოსმენით იხილავს.
ამის პარალელურად საქართველოს პარლამენტის უკანა შესასვლელთან აქცია მიმდინარეობს. ადგილზე სამოქალაქო ორგანიზაციებისა და მედიის წარმომადგენლები არიან შეკრებილი, მათ შორის არის მომღერალი თამრიკო ჭოხონელიძე. როგორც მედიასთან საუბარში აღნიშნავს, "ქართულმა ოცნებამ“ საზოგადოება მოატყუა.
"გასულ წელს ყველაფერი რაც მოხდა, იყო ღირსების შემანარჩუნებელი და ჩვენ ქართველებმა, რომლებმაც შარშან გავიმარჯვეთ, გვეგონა ყველაფერი დამთავრდა, რადგან "რუსული კანონი" უკან გაიწვიეს. ახლა ერთ შეკითხვას დაგისვამთ, საზოგადოება მოატყუეს ერთი წლის წინანდელი გადაწყვეტილებით? - ის ხალხი ვინც დღეს მომხრეა "რუსული კანონის", ისინი მოტყუებულები არ არიან, მაშინ, როდესაც გამოიწვიეს უკან კანონი და დაგვპირდნენ, რომ ის უკან აღარ დაბრუნდებოდა".