მნიშვნელოვანი ინფორმაცია
8
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ქალი ხავერდის ყელსაბამით" შესაძლებლობაა, გავიაზროთ, რას ნიშნავს, იყო ადამიანი, მიცემული სიტყვისა და გულწრფელი სიყვარულის ერთგული" - მთარგმნელი ეკატერინე სუმბათაშვილი
14:55 / 11-04-2024
15 აპრილს სერიის „კიდევ 15 წიგნი, რომელიც უნდა წაიკითხო სანამ ცოცხალი ხარ“ ფარგლებში, ალექსანდრ დიუმას „ქალი ხავერდის ყელსაბამით“ გამოვა. ეს გახლავთ სერიის რიგით მესამე ტომი, რომელიც ათასობით ადამიანის მონაწილეობით შეირჩა და გამოიცემა.
ალექსანდრ დიუმა ფართო საზოგადოებისთვის და მათ შორის ქართველი მკითხველისთვისაც ერთ-ერთი გამორჩეული ავტორია. თუმცა „ქალი ხავერდის ყელსაბამით“ მისი ძირითადი შემოქმედებისგან განსხვავებული ნამუშევარია. როგორც რომანის მთარგმნელი ეკატერინე სუმბათაშვილი აღნიშნავს, ჟანრთან ერთად წიგნს განსაკუთრებულს ხდის მისი წინასიტყვაობაც, რომელიც დიუმამ შარლ ნოდიეს მიუძღვნა.
„ქართველი მკითხველი ალექსანდრ დიუმას იცნობს როგორც ისტორიული რომანების ავტორს, თუმცა მას დაწერილი აქვს ბევრი ჟანრის ნაწარმოები, მათ შორის - ფანტასტიკის. სწორედ ასეთი ნაწარმოებია „ქალი ხავერდის ყელსაბამით“. ასევე, უაღრესად საინტერესოა წიგნის წინასიტყვაობა (ქართულ გამოცემაში - ბოლოსიტყვაობა), რომელიც ავტორმა მიუძღვნა ცნობილ ფრანგ მწერალსა და ბიბლიოფილს, შარლ ნოდიეს. დღეისათვის ნოდიეს ნაწარმოებები, სამწუხაროდ, მივიწყებულია,“ - აღნიშნავს მთარგმნელი.
ნაწარმოებში მოქმედება 1793 წლის საფრანგეთში ვითარდება. ეს რევოლუციური ტერორის ეპოქაა, როდესაც შეუსვენებლად „მუშაობს“ გილიოტინა, „თავისუფლებისა და წესრიგის“ ათასობით დამცველის თვალი დაუღალავად ეძებს ახალი რეჟიმის მტრებს. თუმცა პარიზი მაინც ყველას იზიდავს. გამონაკლისი არც გერმანელი სტუდენტი ჰოფმანია.
„წიგნის თარგმნაზე მუშაობის პროცესი საინტერესო იყო, რამდენადაც მასში მწერალი საფრანგეთის ისტორიის უაღრესად საინტერესო და დატვირთულ ეპოქას - 1789 წლის რევოლუციის შემდგომ ტერორის ხანას - ეხება და აცოცხლებს იმ პერიოდის საზოგადოებრივ განწყობას. ამაღელვებელია თვალის გადევნება, როგორ იცვლება ადამიანების ქცევა მაშინ, როდესაც სახელმწიფოს მართავს, აღვირახსნილი, ყველაფრის დამშვები, ზნეობასა და მორალზე თვალების დამხუჭავი უზნეო ხელისუფლება. ასეთი მოვლენები კაცობრიობის ისტორიაში მრავლად ყოფილა და კიდევ იქნება. შესაბამისად, დიუმას რომანი შესაძლებლობაა, კიდევ ერთხელ გავიაზროთ, რას ნიშნავს, იყო ადამიანი, მიცემული სიტყვისა და გულწრფელი სიყვარულის ერთგული,“ - დაამატა ეკატერინე სუმბათაშვილმა.
შეგახსენებთ, რომ წიგნი 15 აპრილს გამოვა და ერთი კვირის განმავლობაში მისი სპეციალური ფასი 10 ლარი იქნება.
შეგახსენებთ, რომ პროექტი „50 წიგნი, რომელიც უნდა წაიკითხო სანამ ცოცხალი ხარ“ 15 წლის იუბილეს აღნიშნავს. საქართველოში ეს ერთ-ერთი ყველაზე წარმატებული ლიტერატურული პროექტია, რომელიც გამომცემლობა „პალიტრა L”-მა, წლების წინ ჩატარებული გამოკითხვის შედეგად განახორციელა. 50 რჩეული წიგნი სწორედ ქართველმა მკითხველმა შეარჩია. 15 წლის შემდეგ, გამომცემლობამ გადაწყვიტა, სერიას კიდევ 15 წიგნი შემატოს, რისთვისაც კვლავ გამოკითხვა ჩაატარა. მასში მონაწილეობა ათასობით ადამიანმა უკვე მიიღო. ხმის მიცემა რამდენიმე თვის განმავლობაში სხვადასხვა გზით მიმდინარეობდა და პირველი ხუთეული უკვე ცნობილია. უკვე გამოცემულია ანე ფრანკის "უკანა სახლი (დღიური წერილების სახით“) და მარგარეტ ეტვუდის „მხევლის წიგნი.
შეგახსენებთ რომ მკითხველს აზრის დაფიქსირება დღემდე შეუძლია გამომცემლობის ფეისბუქ გვერდსა და ოფიციალურ მეილზე: book@palitra.ge
R
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
