პარტნიორები:
ავტორი:

აფეთქება სასროლეთში: ცნობილი ხდება კიდევ ერთი გარდაცვლილის ვინაობა -  "გარდაიცვალა იქ სრულიად შემთხვევით მყოფი ახალგაზრდა კაცი, სამი შვილის მამა..."

აფეთქება სასროლეთში: ცნობილი ხდება კიდევ ერთი გარდაცვლილის ვინაობა -  "გარდაიცვალა იქ სრულიად შემთხვევით მყოფი ახალგაზრდა კაცი, სამი შვილის მამა..."

7 აპრილს ბოჭორმის ქუჩაზე, მაღაზია "ბეთლგრაუნდის" სასროლეთში მომხდარ აფეთქებას 3 ადამიანი ემსხვერპლა - ორი მათგანი ადგილზე გარდაიცვალა, ხოლო კიდევ ერთი ჰოსპიტალში გადაყვანის შემდეგ. მალევე ცნობილი გახდა, რომ გარდაიცვალნენ 2008 წლის აგვისტოს ომისა და კოდორის სპეცოპერაციის მონაწილე, პოლკოვნიკი იური ლომიძე, რომელიც "ბეთლგრაუნდის“ თანამშრომელი იყო და 24 წლის ახალგაზრდა რატი საგანელიძე.

ცნობილი ხდება კიდევ ერთი გარდაცვლილის ვინაობა:

"იმ ავბედითი აფეთქებისას, გარდაიცვალა იქ სრულიად შემთხვევით მყოფი ჩვენი მეზობელი, ჩვენი მეგობრების შვილი და ჩვენი შვილების მეგობარი, ახალგაზრდა კაცი, სამი შვილის მამა, ლევან ჯეირანაშვილი. 90-იანი წლები ერთმანეთს გადავატანინეთ, ერთად ვზიდეთ პირადი და საზოგადო ტვირთი. შვილებს ერთმანეთი შევაყვარეთ...

ერთ სკოლაში სწავლობდნენ. დილით ერთ "ნივაში" ქაფშიებივით ეწყობოდა 9 ბავშვი. ერთ რამედ ღირდა მერე სკოლის ეზოში ამათი იმ "ნივიდან" ჩამოცლა: ჯერ ყველაზე პატარა თეკლა, მერე მიყოლებით: დედუნი, ელისო, ირაკლი, ბაისო, ილია, ნინო, ლევანი... ლევანი ყველაზე უფროსი იყო. დღეს მზე ასე დაბნელდა 90-იანების მე-18 კორპუსელებისთვის.... ნანა, გურამ, თქვენთან ერთად დავტირით ჩვენს ღიმილის ბიჭს. ნათელი დაუმკვიდროს უფალმა!" - წერს ენათმეცნიერი მარინე ბერიძე.

იხილეთ ასევე:

-

ტეგები თემაზე: