მნიშვნელოვანი ინფორმაცია
9
მაისიდღის ზოგადი ასტროლოგიური პროგნოზი
პარასკევი, მთვარის მეცამეტე დღე დაიწყება 17:58-ზე, მთვარე სასწორშია
ნუ წამოიწყებთ ახალ საქმეებს. უმჯობესია, დრო დაშვებული შეცდომების გამოსასწორებლად გამოიყენოთ. მოაგვარეთ ფინანსური საკითხები. უძრავ ქონებასთან დაკავშირებული პრობლემები განხილვა სხვა დღისთვის გადაიტანეთ. კარგი დღეა სწავლისთვის, ცოდნის მისაღებად. კარგია საქმეების შესრულება თანამოაზრებთან ერთად, კოლექტივში. მოერიდეთ საოჯახო საქმეების საჯაროდ განხილვას, ურთიერთობის გარჩევას; მგზავრობას, მოგზაურობის დაწყებას; საქმის, საქმიანობის შეცვლას. გაუფრთხილდით თირკმლებს. მოერიდეთ სითხისა და ალკოჰოლის მიღებას. აგრეთვე სუსტდება ენდოკრინული სისტემა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"უსამართლო პროცესი გრძელდება, რომელსაც საფუძვლად მხოლოდ ბიძინა ივანიშვილის ზეპირი ჩვენება უდევს" - რა თქვა ბარგადებულმა გიორგი ბაჩიაშვილმა?
15:07 / 27-03-2024
თანაინვესტირების ფონდის ყოფილი ხელმძღვანელის, "ქართული ოცნების“ დამფუძნებლის, ბიძინა ივანიშვილის კრიპტოვალუტის მითვისების საქმეზე ბრალდებულ გიორგი ბაჩიაშვილის საქმე არსებითად განსახილველად სასამართლოს გადაეცა.
აღნიშნული გადაწყვეტილება თბილისის საქალაქო სასამართლოს მოსამართლემ, ნატო ხუჯაძემ მიიღო.
დღევანდელ პროცესზე ასევე მტკიცებულებების დასაშვებობაზე იმსჯელეს. სასამართლომ ბრალდებისა და დაცვის მხარის მიერ მოპოვებული მტკიცებულებები საქმეს სრულად დაურთო.
სხდომაზე ბრალდების მხარე საქმის სასამართლოსთვის არსებითად განსახილველად გადაცემას შუამდგომლობდა.
პროკურორ მიხეილ სადრაძის განმარტებით, საქმეზე არაერთი მტკიცებულებაა წარმოდგენილი, რაც აჩენს მოლოდინს, რომ საქმეზე გამამტყუნებელი განაჩენი იქნება გამოტანილი.
დაცვის მხარე პროკურატურის შუამდგომლობას არ დაეთანხმა. ადვოკატ ლევან მახარაშვილის განმარტებით, რა ქმედების ჩადენასაც ბრალდებულს ედავებიან, დანაშაულს არ წარმოადგენს.
სასამართლო პროცესს ესწრებოდა თავად ბრალდებული გიორგი ბაჩიაშვილიც.
"მთელი ცხოვრება ბიზნესში ვარ, ფინანსები მაქვს დამთავრებული და შემიძლია ძალიან მარტივად ვთქვა, რას საქმიანობს ინვესტორი. ამ საქმიანობას შენი და შენი კომპანიის სახელზე ახორციელებ. ცოტა გაოგნებული, გაკვირვებული ვისმენ ახლა(პროკურორისგან), ყველაფერი რაც საქართველოში და საქართველოს გარეთ ხდებოდა, ჩემს სახელზე იყო განხორციელებული. არ ვიცი ამ ყველაფრის წარმოჩენა როგორ შეიძლება, თითქოს, რაღაცას ვმალავდი. რაც შეეხება ინვესტორს, ჩემმა კომპანიამ "ქართუ ბანკიდან" აიღო სესხი, ბანკის პროცენტები გავისტუმრე და ეს ურთიერთობა დავასრულე", - განაცხადა ბაჩიაშვილმა.
გიორგი ბაჩიაშვილი წარდგენილ ბრალდებაში თავს დამნაშავედ არ მიიჩნევს. მისი განცხადებით, მისი ბრალდების საქმეს საფუძვლად მხოლოდ ბიძინა ივანიშვილის ზეპირი ჩვენება უდევს.
როგორც პროცესის დასრულების შემდეგ, ბაჩიაშვილმა განაცხადა, დღევანდელი დღე ქართული სასამართლო სისტემისთვის სამარცხვინოა, რადგან მისი საქმე სასამართლოს არსებითად განსახილველად გადაეცა.
"მხოლოდ ერთს ვიტყვი, დღეს ქართული მართლმსაჯულებისთვის მორიგი მძიმე და სამარცხვინო დღეა, რადგან ის უსამართლო პროცესი გრძელდება, რომელიც 1 წლის წინ დაიწყო და რომელსაც საფუძვლად მხოლოდ ერთადერთი ადამიანის, ბიძინა ივანიშვილის ზეპირი ჩვენება უდევს. ეს ქართული სამართლის სისტემისთვის არის სამარცხვინო. არც ერთ ცივილიზებულ ქვეყანაში, არც ერთ დასავლურ ქვეყანაში მსგავსი საქმე არც კი იქნებოდა განხილვაში მიღებული",- განაცხადა ბაჩიაშვილმა.
ცნობისთვის, გიორგი ბაჩიაშვილისთვის წარდგენილი ბრალდება 2017 წელს განხორციელებულ ქმედებას ეხება. კერძოდ, პროკურატურის ინფორმაციით, ბაჩიაშვილმა ინვესტორს ჩადებული ინვესტიციიდან მიღებული სრული მოგების სანაცვლოდ მხოლოდ 536 900 აშშ დოლარი გადასცა, ხოლო დარჩენილი ინვესტორის კუთვნილი 8 253.13 ოდენობის ბიტკოინი მართლსაწინააღმდეგოდ მიითვისა, რომლის ღირებულებაც მისი მართლსაწინააღმდეგოდ დაუფლების პერიოდში 39 215 820 აშშ დოლარს შეადგენდა.
მკითხველის კომენტარები /
17 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მოხდება იმ შემთხვევაში თუ პირი ჯარიმას არ გადაიხდის და რა ვადებს უკავშირდება მისი აღსრულება?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
იმენა ბარგადებულია ამის დამწერი და გამომღებიც არ ყავს
ხუხაშვილი რას ამბობს ეგ აგვარებდა საქმეებს