მნიშვნელოვანი ინფორმაცია
11
მაისიდღის ზოგადი ასტროლოგიური პროგნოზი
კვირა, მთვარის მეთხუთმეტე დღე დაიწყება 20:34-ზე, მთვარე მორიელშია
კრიტიკული დღეა. არ იჩხუბოთ. ეცადეთ, ეს დღე მშვიდად განვლოთ. არ დაიწყოთ ახალი საქმეები; მოერიდეთ მნიშვნელოვანი გადაწყვეტილებების მიღებას; ფინანსური საკითხების მოგვარება სხვა დღისთვის გადადეთ; ვაჭრობისთვის არახელსაყრელი დღეა, უძრავ ქონებასთან დაკავშირებული საკითხები სხვა დღეს მოაგვარეთ. აკონტროლეთ ემოციები. არასასურველია კამათი, ჩხუბი, საქმეების გარჩევა. არ გირჩევთ სამსახურის, საქმიანობის შეცვლას. სხვა დღისთვის გადადეთ მგზავრობა და მივლინება. კარგია შემოქმედებითი საქმიანობა, საოჯახო საქმეების შესრულება. ცუდი დღეა ქორწინებისა და ნიშნობისათვის. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რა თქვეს მწვრთნელებმა ისტორიული მატჩის შემდეგ, რა შეფასება მიიღეს ქართველმა ფეხბურთელებმა და გერმანიაში ვისთან და როდის ითამაშებს ჩვენი ნაკრები ჯგუფურ ეტაპზე?
10:24 / 27-03-2024
ისტორია დაწერილია - საქართველოს ეროვნული ნაკრები ევროპის ჩემპიონატზე ითამაშებს. ქართველმა ფეხბურთელებმა ურთულეს და ძალიან დაძაბულ მატჩში საბერძნეთის ეროვნული გუნდი "დინამო არენაზე" დაამარცხეს.
მატჩის ბედი 11-მეტრიანების სერიამ გადაწყვიტა. ამ ე.წ. საფეხბურთო ლატარიაში საქართველოს ნაკრებმა გაიმარჯვა.
მატჩის შემდეგ ნაკრების მთავარი მწვრთნელის, ვილი სანიოლის პრესკონფერენცია, როგორც მოსალოდნელი იყო, ძალიან ემოციური გამოდგა.
ვილი სანიოლი:
"ადრე შეიძლება ბევრი ამბობდა, რომ საქართველოს ნაკრებიდან უნდა წავსულიყავი, მაგრამ სწორედ ამის ახსნას ვცდილობდი, რომ შედეგებს თვეები და წლები სჭირდება. სიმართლე გითხრათ, წასვლაზე არც არასდროს მიფიქრია, რადგან აქ თავს კარგად ვგრძნობ, ჩემს ირგვლივ პროფესიონალები არიან, მათთან მუშაობა ჩემთვის სასიამოვნოა...
პენალტებზე საკმაოდ ბევრი ვივარჯიშეთ. როდესაც პენალტების სერია გიწევს, არასდროს იცი, ვინ დაასრულებს თამაშს და შესაბამისად, ვინ დაარტყამს. ინდივიდუალურად ვისაუბრეთ და გავიგეთ, ვინ იყო მზად დასარტყმელად.... ქოჩორაშვილმა პირველმა თქვა, მე დავარტყამო და არც გამკვირვებია - ის ფანტასტიკური პიროვნებაა, ძლიერი ხასიათი აქვს და ნაკრებში სიტუაცია მისი გამოჩენის შემდეგ შეიცვალა."
ზოგადად, არ მინდა ფეხბურთელები გამოვყო, ყველა კარგია, თუნდაც დვალი, რომელმაც ფანტასტიკურად ითამაშა, მისი შესრულებული პენალტიც მისი თამაშის ამსახველი იყო. ასევე, დავითაშვილმა, მიქაუტაძემ, არავინ მინდა გამომრჩეს... აუცილებლად მინდა აღვნიშნო კვეკვესკირი, რომელიც ჩრდილოეთ მაკედონიასთან წაგების მერე ყველაზე მეტს ტიროდა. მას არ უწევს ბევრი თამაში, მაგრამ ბოლო პენალტი დაარტყა და კარგი მაგალითია ეს ყველაფერი, ძლიერი ხასიათი აჩვენა და მინდა დიდი მადლობა გადავუხადო ბიჭებს!"
გუსტავო პოიეტი, საბერძნეთის ნაკრების მთავარი მწვრთნელი:
"უპირველეს ყოვლისა, საქართველოს და ვილი სანიოლს გამარჯვებას ვულოცავ. თამაშის დასრულებისას მისი ნახვა ვერ მოვახერხე და მილოცვას გადავცემ. რთული შეხვედრა იყო. ბიჭები განადგურებული არიან. მათ ყველაფერი გააკეთეს, მაგრამ არ გაუმართლათ. როდესაც ბოლომდე იხარჯები და მარცხდები, ეს ძალიან მტკივნეულია. ბოლო ორ მატჩში გოლი არ გავუშვით და მაინც ვერ გავედით ევროპის ჩემპიონატზე. მცველებმა პირველ ტაიმში სამი ყვითელი ბარათი მიიღეს, მავროპანოსი, ხაციდიაკისი და მანდალოსი დაშავდნენ. ოთხი შეცვლა ტრავმების გამო განვახორციელე. ამანაც იმოქმედა. პენალტების სერია კი იღბალზეა დამოკიდებული. ახლა ჩემს მომავალზე საუბარი უადგილოა. ამ გუნდის მწვრთნელობა ჩემთვის დიდი პატივია. უნდა დავმშვიდდეთ და მომავალზე ვიფიქროთ".
როგორ შეაფასეს ჩვენი ფეხბურთელების თამაში ანალიტიკურმა საიტებმა?
Whoscored: მამარდაშვილი 7.2, კაკაბაძე 6.9, კაშია 7.1, კვირკველია 7.0, დვალი 7.8, შენგელია 7.2, ქოჩორაშვილი 7.7, კიტეიშვილი 7.1, ჩაკვეტაძე 6.6, კვარაცხელია 7.1, ზივზივაძე 6.4, წიტაიშვილი 6.5, კვეკვესკირი 7.0, დავითაშვილი 6.9, ქვილითაია 6.2, მიქაუტაძე 5.8.
Sofascore: მამარდაშვილი 7.8, კაკაბაძე 6.4, კაშია 7.1, კვირკველია 7.0, დვალი 7.5, შენგელია 7.2, ქოჩორაშვილი 7.2, კიტეიშვილი 7.4, ჩაკვეტაძე 6.6, კვარაცხელია 6.9, ზივზივაძე 6.6, წიტაიშვილი 6.6, კვეკვესკირი 7.3, დავითაშვილი 7.1, ქვილითაია 6.7, მიქაუტაძე 6.4
Flashscore: : მამარდაშვილი 7.0, კაკაბაძე 7.3, კაშია 7.4, კვირკველია 7.2, დვალი 7.4, შენგელია 7.4, ქოჩორაშვილი 7.3, კიტეიშვილი 7.2, ჩაკვეტაძე 6.7, კვარაცხელია 7.6, ზივზივაძე 6.6, წიტაიშვილი 6.4, კვეკვესკირი 6.6, დავითაშვილი 6.6, ქვილითაია 6.5, მიქაუტაძე 6.9.
როდის და ვისთან ითამაშებს ფინალურ ეტაპზე ჩვენი ნაკრები?
ევროპის ჩემპიონატი გერმანიაში 14 ივნისიდან 14 ივლისამდე პერიოდში გაიმართება.
საქართველოს ნაკრები F ჯგუფში ითამაშებს, რომელშიც მეტოქეებად თურქეთი, პორტუგალია და ჩეხეთი ეყოლება.
- ჩვენი გუნდი პირველ მატჩს 18 ივნისს, დორტმუნდში თურქეთთან "ვესტფალენშტადიონზე" გამართავს.
- 22 ივნისს ჰამბურგის "ფოლკსპარკშტადიონზე" სანიოლის ჩეხეთს შეხვდება
- 26-ში კი გელზენკირხენში, "არენა აუფ შალკეზე", ჯგუფის ფავორიტ პორტუგალიას დაუპირისპირდება.
სტატიაში გამოყენებულია sportall.ge - ს მასალები
იხილეთ ასევე:
მკითხველის კომენტარები /
27 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მართალია ვერ გაიტანა, მაგრამ მიქაუტაძის პენალტი იყო მაღალ დონეზე შესრულებული, შემთხვევითობის წესით ვერ გაიტანა ! თამაშითაც არაუშავდა, მაგალითად შემობრუნებით დარტყმა, ბურთის ართმევა და დრიბლნგი, პასი დავითაშვილს საგოლე დიახ ! მე ვუწერ 7 ქულას , სხვებსაც ნახევარი ქულით ვუწევ, შცვლაზე გამოსულებს ! ისე აქ შეფასების მეთოდის ხარვეზი ხომ არაა შეცვლაზე გამოსულები დაიჩაგრნენ ქულებში ?
გილოცავთ, კიდევ მეტი გამარჯვება და სიხარული. ისე, კალათბურთელები ევროპის ჩემპიონატზე 2011 წლიდან მუდმივად გადიან. შარშან მსოფლიო ჩემპიონატზე გავიდნენ, 16 საუკეთესოში მოხვდნენ და თითქოს არაფერი. უცნაურია. ამაზეა ნათქვამი, ზოგის ბამბაც ჩხრიალებსო.