ევროკავშირის დაფინანსებით BTU ქალთა ტექნოლოგიების სფეროში გაძლიერებისთვის მასშტაბურ პროექტს იწყებს
ბიზნესისა და ტექნოლოგიების უნივერსიტეტმა ტექნოლოგიებში ქალთა გაძლიერებისთვის ევროკავშირისგან 1 მილიონი ევროს დაფინანსება მიიღო. დაფინანსების ფარგლებში, განხორციელდება ახალი პროექტი, რომელიც სამ ნაკადად 1100 ბენეფიციარის გადამზადებას უზრუნველყოფს. მენტორობის სესიები ხუთ სხვადასხვა ტექნოლოგიურ მოდულში გაიმართება. ესენია: კიბერუსაფრთხოება, Front-end დეველოპმენტი, გრაფიკული დიზაინი, ციფრული მარკეტინგი და UX/UI დიზაინი. პროექტის ფარგლებში ბენეფიციარებს დამატებით ჩაუტარდებათ კარიერული განვითარებისა და სამეწარმეო უნარების გაუმჯობესებისკენ მიმართული სესიები.
ფართომასშტაბიანი პროექტის დასახელებაა „ქალების მენტორობა ტექ პროგრამებში” და ის მიზნად ისახავს ციფრულ სფეროებში ქვეყნის ადამიანური რესურსების გაძლიერებას, ქალთა ჩართულობის ზრდასა და გენდერული თანასწორობის ხელშეწყობას. პროექტი ეხმიანება ევროკავშირის 2020-2025 წლების გენდერული თანასწორობის სტრატეგიას და ციფრული უთანასწორობის მესამე სამოქმედო გეგმას. პროექტი განხორციელდება წამყვანი ლიეტუვური ქალთა გაძლიერების ორგანიზაციის Women Go Tech მხარდაჭერითა და ჩართულობით.
პროექტის ბენეფიციარების შერჩევა ახლო მომავალში დაიწყება. აღსანიშნავია, რომ მათი ერთი მესამედი დედაქალაქის გარეთ, საქართველოს სხვადასხვა რეგიონიდან შეირჩევა.
R