"ყოველთვის მინდოდა დიდი მკერდი, ამიტომ 21 წლის ასაკში პირველად გავიდიდე" - მეგან ფოქსმა დუმილი დაარღვია და პლასტიკურ ოპერაციებზე საჯაროდ ალაპარაკდა
მეგან ფოქსი წლების განმავლობაში აოცებდა თაყვანისმცემლებს თავისი მუდმივად ცვალებადი გარეგნობით - ყველა ამბობდა, რომ ვარსკვლავი პლასტიკური ოპერაციების შედეგად ძალიან შეიცვალა. მაგრამ, ცოტა ხნის წინ, Super Bowl-ის შემდეგ გამართულ წვეულებაზე მისმა გამოჩენამ დიდი კრიტიკა დაიმსახურა: პლასტიკური ქირურგებიც კი თვლიდნენ, რომ მან ცხვირის ოპერაცია და ლოყების შემავსებელი გაიკეთა.
მსახიობს ამ თემასთან დაკავშირებით საჯაროდ არასდროს უსაუბრია, თუმცა ამჯერად მეგანმა დუმილის დარღვევა ამჯობინა და პლასტიკური ოპერაციებზე ხმამაღლა ისაუბრა: მისი თქმით, ყველაზე დიდი რაოდენობის თანხა მკერდის ოპერაციაზე დახარჯა, ისიც აღიარა, რომ წლების წინ რინოპლასტიკა გაიკეთა. მსახიობი ამბობს, რომ უპირატესობა არაქირურგიულ პროცედურებს ანიჭებს, რადგან ანესთეზიის ბავშვობიდან ეშინია.
"წარბის რეგულარული აწევა არ მაქვს, ძაფები არასდროს გამიკეთებია. უბრალოდ არ მჯერა მათი ეფექტურობის. არც ბიშექტომია გამიკეთებია. ზედმეტად გამხდარი ვარ და ორგანიზმიდან ცხიმის ამოღება ნამდვილად არ მომცემს კარგ შედეგს.
ყოველთვის მინდოდა დიდი მკერდი, ამიტომ 21 წლის ასაკში პირველად გავიდიდე - ეს ოპერაცია სულ ორჯერ მაქვს გაკეთებული. არ მიყვარს ოპერაცია - ჩემი სხეული კარგად არ რეაგირებს ზოგად ანესთეზიაზე.
მე მოვუწოდებ ნებისმიერს, პირველ რიგში ისაუბროს თერაპევტთან, შეეცადოს გაარკვიოს, საიდან მოდის ეს სურვილი, რადგან ხშირად ეს არ არის დაკავშირებული შენს მკერდთან, ცხვირთან ან ნიკაპთან - ოპერაცია არ შეამსუბუქებს ამ კომპლექსებს" - თქვა მეგანმა.