"ბავშვობაში გარეგნობის გამო დასცინოდნენ, დღეს კი სამოდელო სააგენტოები მისთვის იბრძვიან" - ჟან-პოლ ბელმონდოს ულამაზესი ქალიშვილის დახურული ცხოვრება
2021 წელს ლეგენდარული ფრანგი მსახიობი ჟან-პოლ ბელმონდო 88 წლის ასაკში გარდაიცვალა. მისი დაკრძალვის ცერემონიას მსოფლიო პირდაპირ ეთერში ადევნებდა თვალს. კინოლეგენდას სამი მემკვიდრე დარჩა, მათგან უმცროსი, სტელა ევა ანჯელინა, 2003 წელს დაიბადა, როდესაც მსახიობი უკვე 70 წლის იყო.
ყველაზე ახალგაზრდა მემკვიდრე ბელმონდოს მეორე ქორწინებაში მოდელთან და ბალერინა ნატი ტარდიველთან შეეძინა. მამის გარდაცვალების დროს გოგონა 18 წლისაც არ იყო. სტელა მამასთან ყველაზე ახლოს იყო, ამიტომ მსახიობის გარდაცვალება ყველაზე დიდი დანაკლისი მისთვის აღმოჩნდა.
სტელამ ბევრი რამ მიიღო თავისი ვარსკვლავი მშობლებისგან. გარეგნულად გოგონა ჰგავს მამასაც და დედასაც. გამორჩეული გარეგნობით ადვილად იპყრობს საზოგადოების ყურადღებას და აღფრთოვანებას იწვევს. ახლა რთული დასაჯერებელია, მაგრამ როგორც აღმოჩნდა, ბავშვობაში მას ხშირად დასცინოდნენ გარეგნობის გამო და „მახინჯსაც“ კი ეძახდნენ.
სტელა ჯერ არ გეგმავს დედისა ან მამის კვალზე გაყოლას. გოგონას თქმით, მსახიობობა და მოდელობა მისი სტიქია არ არის. ბელმონდო უმცროსს სურს თავისი ცხოვრება პოლიტიკასა და საერთაშორისო ურთიერთობებს მიუძღვნას. ახლა გოგონა დიპლომატიას სწავლობს. მასწავლებლების თქმით, მას დიდი მომავალი აქვს ამ სფეროში.
სტელა ხშირად არ ანებივრებს თაყვანისმცემლებს სოციალურ ქსელებში გამოქვეყნებული ფოტოებით. თუმცა ყველა ფოტოზე, რომელსაც ბელმონდოს ქალიშვილი აქვეყნებს, კომენტარებში უწერენ, რომ მას უფრო შოუბიზნესში ხედავენ, ვიდრე პოლიტიკაში.
საფრანგეთის საუკეთესო სამოდელო სააგენტოები იბრძვიან ბელმონდოს ქალიშვილთან თანამშრომლობისთვის, მაგრამ სტელა არ ჩქარობს მათთან კონტრაქტის გაფორმებას. მისი თქმით, პრიორიტეტი უმაღლესი განათლების მიღებაა.
შეგახსენებთ, რომ ჟან-პოლ ბელმონდო მეორე ცოლს მაშინ გაშორდა, როდესაც სტელა ხუთი წლის იყო. ნატი ტარდიველი, რომელიც ბელმონდოზე 28 წლით უმცროსი იყო, სხვა, მისი ასაკის მამაკაცით დაინტერესდა. მსახიობმა ცოლს სასწრაფოდ განქორწინება მოსთხოვა. თავიდან მათ შორის დაძაბული ურთიერთობა იყო, თუმცა მოგვიანებით საერთო ენა გამონახეს და სტელა მამასთან დიდ დროს ატარებდა.
წაიკითხეთ ასევე: