მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"AI შეცვლის ომის წარმოებას" - Google-ის ყოფილი გენერალური დირექტორი უკრაინაში იწყებს ხელოვნურ ინტელექტზე დაფუძნებული დრონების წარმოებას - რა ვიცით "თეთრი წეროს" შესახებ
17:39 / 18-03-2024
Google-ის ყოფილი გენერალური დირექტორი ერიკ შმიდტი აშშ-სა და უკრაინაში უპილოტო, ე.წ. კამიკაძე დრონების წარმოების სტარტაპს "თეთრ წეროს“ ქმნის.
- არსებული ინფორმაციით, "თეთრი წერო“ გათვლილია იმაზე, რომ შექმნას ხელოვნურ ინტელექტზე დაფუძნებული საფრენი აპარატები, რომლების საბრძოლო მოქმედებებისთვის იქნება გათვლილი.
მსგავსი ტექნოლოგიის გამოცდა მშვიდობიანობის დროს შეუძლებელი, ან ძალიან შეზღუდული იქნებოდა საზოგადოების წნეხის გამო. თუმცა შმიდტისა და მსგავსი მეწარმეებისთვის უკრაინაში არსებული სიტუაცია კარგი შესაძლებლობაა, რომ უახლესი სამხედრო ტექნოლოგიები რეალურ გარემოში დატესტონ.
- Google-დან წასვლის შემდეგ, შმიდტი მთავარი კვანძი გახდა სილიკონის ველსა და პენტაგონს შორის. ის განაგებდა ეროვნულ უსაფრთხოებას ხელოვნური ინტელექტის მიმართულებით. 2021 წელს გამოაქვეყნა შემაჯამებელი მოხსენება, სადაც ნათქვამი იყო: "AI შეცვლის ომის წარმოებას".
ახლა შმიდტი პენტაგონში კავშირებს თავისი ინტერესებისთვის იყენებს. მან შექმნა კერძო კომპანია, რომელიც ხელოვნურ ინტელექტზე დაფუძნებულ დრონებს აწარმოებს. ახლა მისი მთავარი ბაზარი უკრაინაა. Google-ის ყოფილი დირექტორი ამბობს, რომ უპილოტო საფრენი აპარატები, რომლებსაც ხელოვნური ინტელექტი აქვთ ინტეგრირებული, ომის მომავალია. ჰენრი კისინჯერის თანაავტორობით, ამის შესახებ წიგნიც გამოსცეს.
დღეს კომერციული კამიკაძე-დრონები, რომლებიც თავისუფალ ვაჭრობაშია, დაახლოებით, 400 დოლარი ღირს და მცირე ასაფეთქებელი ნივთიერების გადატანა შეუძლიათ.
ერიკ შმიდტმა ახალი თაობის დრონების უპირატესობა საკმაოდ ვრცლად 2023 წლის ივლისში, Wall Street Journal-ში გამოქვეყნებულ სტატიაში აღწერა. შმიდტი წერდა, რომ უპილოტო აპარატები "ყველაზე მნიშვნელოვანი“ ახალი ტექნოლოგიაა, რომელიც რუსეთსა და სხვა მომავალ მოწინააღმდეგეებზე გამარჯვების საკვანძო ფაქტორი გახდება. ტექსტიდან გასაგები იყო, რომ საუბარია არა მხოლოდ ამჟამინდელ კონფლიქტზე, არამედ მომავალ შეტაკებებზეც, სადაც აშშ უპირატესობის მოპოვებას ხელოვნური ინტელექტის სისტემებით შეეცდება. ამის ფონზე აშშ-ის მთავრობა ტრადიციულ შეიარაღების მომწოდებლებთან, მაგალითად, ისეთი როგორიც არის, Palantir-ი, შეკვეთებს ნელ-ნელა ამცირებს.
- Google-ის ექსდირექტორმა ცოტა ხნის წინ გამოაქვეყნა სტატია, სათაურით, "უკრაინა დრონებთან ომში მარცხდება“. შმიდტი დეტალურად წერდა, თუ რამდენად მჭიდროდ ეკონტაქტება უკრაინელ ჩინოვნიკებს და რამდენად ცუდად უმკლავდება დასავლური შეიარაღება რუსულ შეიარაღებას. ის ასევე აღნიშნავდა, რომ 2024 წელს უკრაინა მოკავშირეებისგან მილიონ დრონზე მეტს შეიძენს. თუმცა ამ დრონების ერთადერთი მიმწოდებელი მისივე კომპანია "თეთრი წერო“ აღმოჩნდა.
ხელოვნური ინტელექტი რევოლუციას ჩვენ თვალწინ ახდენს და უპილოტო კამიკაძე-დრონები სულ უფრო და უფრო დიდ როლს შეასრულებენ თანამედროვე ომებში. ინტერნეტში უამრავი კადრია, რომლებიც კამიკაძე-დრონების წარმატებულ გამოყენებას ასახავს.
ზოგიერთ შემთხვევაში გამოიყენება AI, რომელიც სამიზნის ზუსტ იდენტიფიცირებას ახდენს და დაცვის სისტემებს თავს არიდებს. ეს იმას ნიშნავს, რომ კომპანიები, რომლებიც ხელოვნური ინტელექტის სამხედრო მიზნით ინტეგრირებაზე მუშაობენ, კონფლიქტებში უფრო ღრმად ჩაერთვებიან. ბევრი სახელმწიფოს ოფიციალური პირი მომხრეა, რომ კაცობრიობამ არ დაუშვას AI-ს გამოყენება სამხედრო მიზნით, თუმცა ეს პროცესი უკვე შეუჩერებელია.
- ავტორი: ანრი კურტანიძე
მკითხველის კომენტარები /
45 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ნაკლები რომ ილაპარაკოთ და მეტი გააკეთოთ, აჯობებს! თორემ გადმოდგებიან და ენას ვეღარ აჩერებენ!
უკრაინას ამერიკამ და ევროპამ სპეციალურად მოუწყო ეს ომი პოსტსაბჭოთა ქვეყნებში ყველაზე ძლიერი ეკონომიკა და მრეწველობა ჰქონდა რასაც მთლიანად ევროპა აწარმოებს უკრაინა მეტს აწარმოებდა კონკურენტ ქვეყანად აღიქვეს მარტო აზოვსტალი რამდენ რამეს აწარმოებდა გაუნადგურეს ყველაფერი