9
მაისიდღის ზოგადი ასტროლოგიური პროგნოზი
ამ გოგონამ მსოფლიო პოდიუმების დაპყრობა სამი წლის ასაკში მოახერხა, როდესაც პირველად რეკლამაში გადაიღეს. ლანია გრეისი ხუთი წლის იყო, როდესაც მსოფლიოში ყველაზე ლამაზი გოგონა უწოდეს. ის არამარტო გარეგნობით გამოირჩეოდა, არამედ ძალიან განსხვავდებოდა თანატოლებისგან. არავის ჰგავდა და ამაყობდა თავისი ინდივიდუალობით.
მსოფლიოს წამყვანი ბრენდები ერთმანეთს ეცილებოდნენ, რათა პატარა მოდელის მშობლებისთვის მომგებიანი კონტრაქტები შეეთავაზებინათ. თუმცა, ბოლო დროს ლანია ხშირად აღარ ახარებს თაყვანისმცემლებს საზოგადოებაში გამოჩენით; ის უკვე სხვა, როგორ ამბობს, უფრო მნიშვნელოვანი საქმეებით არის დაკავებული.
- ელფის მზერა
გოგონა 2004 წელს დაიბადა და მშობლებმა პირველივე თვეებიდან შენიშნეს, რომ განსაკუთრებულად ლამაზი იყო. თუმცა იმ მომენტში ამას დიდ მნიშვნელობას არ ანიჭებდნენ და გულწრფელად თვლიდნენ, რომ ყველა პატარა ბავშვი ლამაზი იყო.
ლანია სამი წლის იყო, როცა დედასთან და მამასთან ერთად კაპიტოლას სანაპიროზე კალიფორნიაში ისვენებდა. გოგონას მამამ, თომას სტივენსონმა, რამდენიმე ფოტო გადაუღო და სან-ფრანცისკოში მდებარე სამოდელო სააგენტო FORD-ს გაუგზავნა.
მალე აგენტმა გოგონას მშობლებს დაურეკა და ხელშეკრულების გაფორმება შესთავაზა. კონტრაქტის ხელმოწერიდან ერთი თვის შემდეგ, ლანიას პირველი გადაღება ჰქონდა.
გოგონა სულაც არ იყო მორცხვი, ის მხიარულად პოზირებდა კამერის წინ და იცინოდა. მისთვის ეს ერთგვარი თამაში და გართობა აღმოჩნდა.
-63960.jpg)
გაოგნებული ფოტოგრაფები მშობლებს ეკითხებოდნენ, თუ რა ეროვნების იყო გოგონა, რადგან მანამდე ასეთი მეტყველი თვალები არასდროს ენახათ. მათ ბავშვს თვალის უჩვეულო ფერისა და ჭრილის გამო, ელფი უწოდეს. ლანიას ინტერნაციონალური ოჯახი ჰყავს, მისი წინაპრები იყვნენ ფილიპინელები, ესპანელები...
პირველი წარმატებული გადაღების შემდეგ, ახალგაზრდა მოდელის კარიერა სწრაფად განვითარდა. FORD-ის სამოდელო სააგენტოსთან თანამშრომლობისას რამდენიმე წლის განმავლობაში, გრეისმა შთამბეჭდავ წარმატებას მიაღწია. გოგონას დედა, არიელ სტივენსონი, მთელ დროს ქალიშვილს უთმობდა. ამასთან, ის გოგონას გადაღებებზე სიარულს არ აიძულებდა, პირიქით, ყველა გადაღება თუ გადაცემაში სტუმრობა პატარა ლანიასთვის მხოლოდ თამაში, სახალისო და ამაღელვებელიც კი იყო.
მოგვიანებით, ლანიას მოუწია მოკლე კარიერული შესვენება აეღო, რადგან კბილებთან დაკავშირებით პრობლემები შეექმნა და ბრეკეტების გაკეთება მოუწია. ამ პერიოდში აღარ მონაწილეობდა გადაღებებში და შოუებში. შემდეგ კი სამოდელო სააგენტომ მასთან კონტრაქტი შეწყვიტა.
-63989.jpg)
მაგრამ "გოგონა ელფის თვალებით“ უსაქმოდ არ დარჩენილა, მას მაშინვე შესთავაზეს ახალი კონტრაქტი, ამჯერად სააგენტო Wilhelmina Models-თან. ლანია ასევე თანამშრომლობდა Guess and Maleficent Toys-თან, Old Navy-თან და Ralph Lauren-თან, მონაწილეობდა შოუებსა და სარეკლამო კამპანიებში. ყველაზე საინტერესო ის არის, ბავშვი ასაკთან ერთად იცვლებოდა, თუმცა მისი სილამაზე არ გაქრა, უბრალოდ, შეიცვალა.
- ახალი ჰორიზონტები
ლანია გრეისს ნამდვილად უყვარს ის, რასაც აკეთებს. ახალგაზრდა მოდელის ჰონორარი ყოველთვის საკმაოდ მაღალი იყო და 2023 წლისთვის მისი პირადი ქონება დაახლოებით, 3 მილიონ დოლარად არის შეფასებული. მაგრამ ის დღემდე არ შემოიფარგლება მხოლოდ მოდელობით. ისწავლა ვიოლინოზე დაკვრა, დადიოდა ხატვაზე, მოგვიანებით კი სპორტით, კერძოდ კი კრივით დაინტერესდა.
მას ფიზიკურად არ შეეძლო ჩვეულებრივ სკოლაში ესწავლა: მუდმივი გადაღებები და გადატვირთული გრაფიკი არ აძლევდა საშუალებას, გაკვეთილებს დასწრებოდა. ამიტომ, მასთან თავისუფალ დროს სახლში მასწავლებლები დადიოდნენ, რადგან განათლების გარეშე დარჩენის პერსპექტივა არ მოსწონდა.
ერთ-ერთ ინტერვიუში გოგონამ აღიარა, რომ მსახიობობაზე ოცნებობს და უკვე გარკვეულ ნაბიჯებს დგამს ამ მიმართულებით. უფრო მეტიც, მისი დებიუტი უკვე შედგა, თუმცა არა ფილმში, არამედ Avicii-ს მუსიკალურ ვიდეო რგოლში სიმღერაზე Wake Me Up. კლიპი წარმატებული გამოდგა და ახალგაზრდა მოდელმა ისევ მიიპყრო ყურადღება.
სანამ ლანია პატარა იყო, სოციალურ ქსელში მის ანგარიშებს გოგონას ნაცვლად მამა მართავდა, მაგრამ ახლა მოდელი თავად აქვეყნებს ახალ ფოტოებს და ბოლო დროს ინფლუენსერობა დაიწყო. მოდელი აქტიურად ემზადება უნივერსიტეტში სწავლისთვის და აგრძელებს თანამშრომლობას ამერიკის წამყვან სამოდელო სააგენტოებთან Wilhelmina Model-თან და JE Model Management-თან.
გოგონას ჰყავს უმცროსი და, რომელთანაც განსაკუთრებული მეგობრობა აკავშირებს. სოციალური ქსელის საშუალებით ის ყოველთვის ულოცავს საყვარელ ადამიანებს მნიშვნელოვან დღესასწაულებს და მადლობას უხდის მათ.
გოგონა დედას თავის მთავარ შთაგონების წყაროს უწოდებს და აღიარებს, რომ სწორედ ის უბიძგებს, ყოველდღიურად ისწრაფოდეს წარმატებისკენ. თბილად მოიხსენიებს მამას და ჰპირდება, რომ არასოდეს დაივიწყებს იმას, რაც მან შვილისთვის გააკეთა.
ლანეა გრეისს ყოველთვის ახსოვს, რომ ადრეულ ბავშვობაში ინტროვერტი და მორცხვი ბავშვი იყო. მაგრამ კამერის წინ გარდაიქმნა, შემდეგ კი ეს ცვლილებები ყოველდღიურ ცხოვრებაშიც გამოადგა. დღეს გოგონას აქვს არა მხოლოდ დიდება და ფული, არამედ ჰყავს ბევრი მეგობარიც, რომლებსაც ძალიან აფასებს.
დიდი არაფერი...,,ზღაპრული ელფიდან" ჩვეულებრივი მოდელი და ინფლუენსერი გამოიჩეკა.