"თავად მიიღო ეს გადაწყვეტილება" - ვინ შეასრულებს ჯანდაცვის მინისტრის მოვალეობას და რა ქონებით ტოვებს აზარაშვილი თანამდებობას?
საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა ზურაბ აზარაშვილმა თანამდებობა დატოვა. გადაწყვეტილება პრემიერ-მინისტრთან საუბრის შემდეგ მიიღო. მთავრობის მეთაური ჯანდაცვის ახალ მინისტრს უახლოეს დღეებში წარადგენს.
უკავშირდება თუ არა მინისტრის გადადგომა რესპუბლიკური საავადმყოფოს გარშემო განვითარებულ მოვლენებს?
ჯანმრთელობის დაცვისა და სოციალურ საკითხთა კომიტეტის თავმჯდომარემ ზაზა ლომინაძემ ჟურნალისტებთან განაცხადა, რომ აზარაშვილის წასვლა "არავითარ შემთხვევაში არ უკავშირდება რესპუბლიკურთან დაკავშირებულ საკითხებს".
- მისივე თქმით, ჯერჯერობით მისი მოვალეობის შემსრულებელი მინისტრის პირველი მოადგილე იქნება.
"ბატონმა მინისტრმა თავად მიიღო ეს გადაწყვეტილება, რომ დაეტოვებინა თანამდებობა. გუნდში ამაზე მსჯელობა და არავითარი წინაპირობა მანამდე არ ყოფილა. არავითარი მიზეზი არ იყო. არავითარ შემთხვევაში არ უკავშირდება რესპუბლიკურთან დაკავშირებულ საკითხებს. არავითარი კავშირი და პარალელი აქ არ არსებობს. თვითონ მინისტრმა გადაწყვიტა ასე. ცვლილება ხდება ჩვეულებრივად. ჯერჯერობით მისი მოვალეობის შემსრულებელი იქნება მისი პირველი მოადგილე. შემდეგ ვნახავთ, გუნდში ვიმსჯელებთ”, - განაცხადა ზაზა ლომინაძემ.
რა ქონებით ტოვებს ჯანდაცვის მინისტრი თანამდებობას?
მის მიერ, გასული წლის აპრილში შევსებული ქონებრივი დეკლარაციის მიხედვით, ზურაბ აზარაშვილის საკუთრებაში არანაირი უძრავი და მოძრავი ქონება არ არის რეგისტრირებული. დოკუმენტის მიხედვით, მხოლოდ მისი მეუღლე ფლობს ავტოფარეხს, რომელიც 5000 აშშ დოლარადაა შეძენილი.
რაც შეეხება ფინანსურ მდგომარეობას, დეკლარაციის შევსების მომენტში, ზურაბ აზარაშვილს "საქართველოს ბანკის“ მიმდინარეზე ჰქონდა - 2 737 ლარი და 3 716 ევრო, „ტერა ბანკის“ მიმდინარეზე 144,91 ლარი...ნახეთ ქონებრივი დეკლარაცია სრულად
ამავე თემაზე: