30
მარტიდღის ზოგადი ასტროლოგიური პროგნოზი
აქსელის ეს ინიციატივა მიზნად ისახავს თანამშრომლობისა და კავშირების გამყარებას კავკასიის რეგიონის, ცენტრალური აზიის სტარტაპებსა და ევროპულ ინვესტიციებს შორის.
ეს სტრატეგიული პარტნიორობა მნიშვნელოვანი ნაბიჯია ევროპისა და ცენტრალური აზიის, კავკასიისრეგიონს შორის ეკონომიკური განვითარებისთვის. კომიტეტის მთავარი მისიაა რეგიონისა და ევროპის ბიზნეს ანგელოზთა ქსელების, ვენჩურული კაპიტალის ფონდებისა და ყველა სხვა აქტორის გაერთიანება, მათ შორის თანამშრომლობის ხელშეწყობა, ცოდნის გაზიარება და საინვესტიციო პერსპექტივების იდენტიფიცირება.
სტრატაპები, ინვესტორები და დაინტერესებული მხარეები მოწვეულნი არიან შემოუერთდნენ კომიტეტის დაფუძნების ღონისძიებას 27 თებერვალს, 18:00 საათზე (თბილისის დროით).
EBAN Committee Launch: “Gateway to European Angel Investing”-ის ფარგლებში ჩატარდება პრეზენტაცია თავად კომიტეტის, EBAN-ისა და აქსელის შესახებ, გაიმართება მოკლე პანელური დისკუსია და საჯარო განხილვა.
შეხვედრაზე დასასწრებად დარეგისტრირდით ბმულზე: https://us02web.zoom.us/meeting/register/tZclc--hqTgoHNcxuFE9HfDHlFyB5I3V4svo#/registration
აქსელისა და EBAN-ის თანამშრომლობა არამხოლოდ საქართველოს, არამედ ცენტრალური აზიისა და კავკასიის რეგიონისქვეყნების სტარტაპ ეკოსისტემის განვითარებას გულისხმობს.
აქსელის შესახებ
აქსელი საქართველოს ბიზნეს ანგელოზთა პირველი ქსელია, რომელიც მიზნად ისახავს ტექნოლოგიური სტარტაპებისა და მათში ინვესტიცირების ხელშეწყობას საქართველოში და მის საზღვრებს გარეთ. აქსელი აერთიანებს 90-მდე წევრ ანგელოზ ინვესტორსა და 15 პორტფოლიო სტარტაპს.
აქსელი, EBAN-ის წევრების რიცხვს 2021 წლიდან შეუერთდა და აქტიურად დაიწყო მუშაობა ევროპულ ბიზნეს ანგელოზთა ქსელებთან. რის შემდეგაც, გახდა EBAN-ის დირექტორთა საბჭოს წევრი, მიიღო ჯილდო “BEST PERFORMING NEW MEMBER 2023”, 2023 წელს EBAN-თან პარტნიორობით ჩაატარა “Investment Ecosystem Conference Vol.3”. სწორედ ამ ინიციატივების ლოგიკური გაგრძელებაა აღნიშნული კომიტეტის შექმნა.
თუ გაინტერესებთ აქსელში გაწევრიანება და ინვესტირების დაწყება:
თქვენი სტარტაპ იდეის განსახილველად კი, შეავსეთ აპლიკაცია:
EBAN-ის შესახებ
EBAN - ევროპის ბიზნეს ანგელოზთა ქსელი აერთიანებს 100-ზე მეტ წევრ ორგანიზაციას 50-მდე ქვეყანაში.EBAN 1999 წელს, პირველი ბიზნეს ანგელოზთა ქსელების მიერ ევროკომისიისა და EURADA-ს თანამშრომლობით დაარსდა. EBAN-ის წევრი, აქსელის მსგავსი ქსელები, წელიწადში საშუალოდ11,4 მილიარდი ევროს ინვესტიციას ახორციელებენ საუკეთესო სტარტაპებსა და ინოვაციებში.
R
