მნიშვნელოვანი ინფორმაცია
12
მაისიდღის ზოგადი ასტროლოგიური პროგნოზი
ორშაბათი, მთვარის მეთექვსმეტე დღე დაიწყება 21:55-ზე, მთვარე მორიელშია
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ.
კარგი დღეა იურიდიული საკითხების მოსაგვარებლად, სასამართლო პროცესების დასაწყებად. კარგი დღეა შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"პირველ ორსულობაზე, სამშობიაროში რომ მივედი 100 კილო ვიყავი... სარკეში ჩახედვისას მეტირებოდა... 3 თვეში დავიბრუნე წონა" - ნატა ბერეჟიანი თავის მოვლასა და პირველ მშობიარობაზე
12:24 / 14-02-2024
მსახიობი ნატა ბერეჟიანი პირველად 22 წლის ასაკში გახდა დედა. მას ბიჭი შეეძინა - დათუნა, რომელიც გამორჩეული გარეგნობით ყოველთვის ყურადღებას იპყრობს.
ნატა ბოლო წლებში აქტიურად იყო დაკავებული კარიერით - როლებით კინოსა და თეატრში. რეჟისორ დათო დოიაშვილთან "მეფე ლირზე" მუშაობისას შეიტყო, რომ 18-წლიანი შუალედის შემდეგ მეორე შვილზეა ორსულად, თუმცა ამას ხელი არ შეუშლია, რომ წარმატებით ეთამაშა პრემიერა და სპექტაკლში დღემდე აქტიურად არის ჩართული.
პირველი შვილის გაზრდაში ნატას ოჯახის წევრები ეხმარებოდნენ, ახლა კი გეგმავს, რომ გოგონა თავად გაზარდოს და სადაც საშუალება იქნება, ყველგან თან ატაროს, უნდა, რომ მაქსიმალურად დიდი დრო დაუთმოს შვილს, ისე, რომ საკუთარ საქმესაც არ მოწყდეს.
ნატა ხშირად აკვირდება სარკეში საკუთარ თავს, შიშობს, ნაოჭი არ გაუჩნდეს. კოსმეტოლოგს 6 თვეში ერთხელ აკითხავს. სხვადასხვა სახის გამწმენდ და მკვებავ საშუალებას იყენებს. არც შინაურ რეცეპტებზე ამბობს უარს. ამ ყველაფერზე ჟურნალ "სარკეს" ესაუბრა:
- ნატა, პირველმა ორსულობამ იმოქმედა თქვენს წონასა და ფიგურაზე?
- ბევრი მოვიმატე. სამშობიაროში რომ მივედი, 100 კილო ვიყავი. იმ პერიოდში სარკეში რომ ვიხედებოდი, სულ მეტირებოდა. ბავშვის გაჩენის დღიდან ინტენსიურად დავიწყე ვარჯიშებზე სიარული. ჩვილიან დედებს შედედებულ რძეს და ორცხობილებს ურჩევენ, თითქოს რძეს უმატებს მკერდში. სისულელეა! თუ რძე აქვს დედას, აქვს. თუ არადა - არა! მენიუდან კალორიული საკვები ამოვიღე. დათუნა 3 თვისაც არ იყო, ორსულობამდე რა წონისაც ვიყავი, იმაზე ნაკლებს რომ ვიწონიდი.
- ეკრანზე ხშირად მაკიაჟის გარეშე ჩნდებით. ცხოვრებაშიც არ ხმარობთ კოსმეტიკას?
- ეკრანზე მაქვს მაკიაჟი, ოღონდ მსუბუქი, საეკრანო. ცხოვრებაში კი ნამდვილად არ მიყვარს, მხოლოდ ტუშს ვიყენებ. თუ სადმე მივდივარ, სადაც მაკიაჟია საჭირო, თვალის ჩრდილს ვისვამ. არ მიხდება ისეთი მაკიაჟი, სადაც თვალიც და ტუჩიც ერთნაირად, მკვეთრად არის შეფერილი.
სულ ვამბობ, რომ მსახიობს კანის მოვლისთვის ცალკე უნდა ჰქონდეს თანხები გამოყოფილი. ყველანაირად ვცდილობ კანს მოვუარო. დამცინიან კიდეც, ზაფხულში სულ ხილის ნიღბებს რომ ვიდებ. სეზონზე რაც შემოდის, ყველაფერს სახეზე ვიდებ. ვდგავარ სარკესთან და ვაკვირდები, თვალთან ნაოჭი ხომ არ გამიჩნდა.
მოკლედ სახის კანს ძალიან ვუფრთხილდები. გრიმს გადაღების დასრულებისთანავე ვიშორებ. გამორიცხულია მაკიაჟით დავიძინო. ფაქიზი კანი მაქვს და ზედიზედ რამდენიმე დღე თუ მისვია გრიმი, უცებ მეტყობა. კოსმეტოლოგს 6 თვეში ერთხელ ვაკითხავ და კანს ვიწმენდ.
- სახლის პირობებში როგორ უვლით თავს?
- ბევრად ვენდობი ბუნებრივი საშუალებებით თავის მოვლას, მაგრამ არც კრემებს უარვყოფ. სახეზე ხშირად ვიდებ კვერცხის გულის, ზეითუნის ზეთის და თაფლის ნიღაბს. წინა თაობას იმდენი საშუალება არ ჰქონდა თავის მოვლისთვის, როგორც ჩვენ, მაგრამ არანაკლებ მოვლილები იყვნენ. სახის კანისთვის მჭირდება მკვებავი, ლოსიონი, რომელიც მაკიაჟს აშორებს, მაკიაჟის ქვეშ წასასმელი კრემი, რომელიც კანს იცავს და ასე შემდეგ. ეს ყველაფერი კი საკმაოდ ძვირი სიამოვნებაა. ბევრი რომ მქონდეს უფრო მეტს დავხარჯავდი ფრჩხილის მოვლისთვის, თმისთვის, კრემებისთვის. მიმაჩნია, რომ ქალმა რაც შეიძლება მეტი უნდა დახარჯო იმისთვის, რომ კარგად გამოიყურებოდე, ვგიჟდები თავის მოვლაზე...წყარო
ნახეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
აუცილებლად მოგვაწოდე ინფორმაცია ყველა წარსულ და მომდევნო ხმაურზე....უმაგისოდ რა ეშველება ქვეყანას?!