12
მაისიდღის ზოგადი ასტროლოგიური პროგნოზი
სპეციალური საგამოძიებო სამსახურის თანამშრომლებმა პირადი ცხოვრების საიდუმლოს ხელყოფის ფაქტზე 1978 წელს დაბადებული პირი დააკავეს. ამის შესახებ ინფორმაციას სპეციალური საგამოძიებო სამსახური ავრცელებს.
მათივე ცნობით, დაკავებულს აღკვეთის ღონისძიების სახით პატიმრობა შეეფარდა.
"საქმეზე ჩატარებული გამოძიებით დადგინდა, რომ ბრალდებულს 2023 წელს გათხოვილ ქალთან სასიყვარულო ურთიერთობა ჰქონდა, რომელსაც სასტუმროში სქესობრივი კავშირის დროს მობილური ტელეფონით ფარულად ვიდეო გადაუღო. ურთიერთობის შეწყვეტის შემდეგ, 2024 წლის იანვარში, ბრალდებული დაზარალებულ ქალს ურთიერთობის აღდგენას სთხოვდა, წინააღმდეგ შემთხვევაში ფარულად გადაღებული მათი სქესობრივი კავშირის ამსახველი კადრების ნათესავებში გავრცელებით ემუქრებოდა. გარდა ამისა, ბრალდებულმა დაზარალებულ ქალს ღამით საცხოვრებელ სახლში მიაკითხა და ბავშვების და ოჯახის სხვა წევრების სახლში ყოფნის დროს შესვლას ცდილობდა.
სპეციალური საგამოძიებო სამსახურის დასავლეთ საქართველოს სამმართველომ, დაზარალებული ქალის მომართვის შემდეგ გადაუდებელი საგამოძიებო მოქმედებები ჩაატარა, რის შემდეგაც დაკავებული იქნა ბრალდებული. მისი პირადი ჩხრეკისას, მობილურ ტელეფონში ნანახი იქნა ინტიმური შინაარსის ამსახველი ვიდეომასალა.
სპეციალური საგამოძიებო სამსახური, პირადი ცხოვრების საიდუმლოს ხელყოფის ფაქტების აღსაკვეთად და დანაშაულში მხილებული პირების გამოსავლენად ბრძოლას აქტიურ რეჟიმში აგრძელებს”, - ნათქვამია ინფორმაციაში.
მასეთი ვიდეოს ჩამწერ-გამავრცელებელი ან მისით მოსარგებლე რა ნეხვიცაა გასაგებია და ალალია მისი დაკავება, მაგრამ ქალი, რომელიც ინტიმურ ფოტო-ვიდეოს იღებს და სხვა პირს უგზავნის და მერე საფრთხეს რომ იგრძნობს გავრცელების და გამჟღავნების, თავდაცვისთვის აწიკვინდება, აქაოდა რას მიშვებიანო, ეს რა ფენომენია ვერ ვხვდები... საკმარისია კითხვა ასეთი ქალზე დასვა და ეს ლიბერტანიალური ბაბლი მოგესევა და ატეხავს ამბავს... დიაგნოზი ესაა მეგობრებო - "ზნეობა დავკარგეთ, ზნეობა"...(ფრაზა "დათა თუთაშხია"-დან)...
ჯერ ერთი რატომ გგონიათ რომ ქალი გათხოვილი იყო???????? და მეორეც რომც ყოფილიყო... კაცი რომ ცოლს ღალატობს ხომ მაგარ ტიპობად თვლით და ყურადღებას არ აქცევთ, კაცია ეპატიებაო. ღალატი ღალატია. არ აქვს მნიშვნელობა ვინ ღალატობს. ასეთი მენტალიტეტი რომ გაქვთ იმიტომაც ხართ დალხენილები.