"ეს იმის წინაპირობაა, რომ ოდესმე ადამიანის კლონსაც შექმნიან" - კლონირებული მაიმუნი 2 წლის შემდეგ ისევ ცოცხალია: მეცნიერების თქმით, ეს იშვიათი მოვლენაა

ჩინეთის მეცნიერებათა აკადემიაში მომუშავე სპეციალისტები აცხადებენ, რომ მათ მიერ კლონირებული მაიმუნი 2 წლის შემდეგ ისევ ცოცხალია. ეს მოვლენა იმითაა გამორჩეული, რომ ამდენ ხანს აღნიშნული სახეობის არცერთ კლონირებულ პრიმატს უცოცხლია.

პროცესი, რომელსაც ეწოდება სომატური უჯრედის ბირთვული ტრანსფერი (SCNT), გულისხმობს გენეტიკური ინფორმაციის ამოღებას სტანდარტული უჯრედიდან და მის იმპლანტაციას სხვა მაიმუნის კვერცხუჯრედში. ძაღლები, მსხვილფეხა პირუტყვი, თაგვები და თხა სხვა სახეობებს შორისაა, რომელთა კლონირება ამ პროცესის გამოყენებით ხდება, მაგრამ პრიმატებში ეს რთული აღმოჩნდა - 113 მცდელობიდან წარმატებული მხოლოდ ერთი გამოდგა.

მეცნიერების თქმით, კლონირებული მაიმუნის გრძელვადიან ჯანმრთელობასა და გადარჩენას "დიდი მნიშვნელობა აქვს“, რადგან ისინი " ფართოდ გამოიყენება ძირითადი და კლინიკური კვლევებისთვის“.

პრიმატების მსგავსი კლონირება ევროპაში ეთიკური ნიშნით აკრძალულია, მაგრამ ჩინეთში ლეგალურად ტარდება. მსოფლიოში პირველი კლონირებული ცხოველი ცხვარი იყო. 22 წლის წინ შექმნილ პირველ კლონს მოჰყვა ცხოველთა სხვა სახეობებიც; შეიქმნა კატებისა და ცხენების კლონებიც. მეცნიერები ფიქრობენ, რომ მაიმუნის კლონის შექმნა იქნება წინაპირობა იმისა, რომ ისინი ოდესმე ადამიანის კლონირებასაც შეძლებენ.

წყარო: telegraph