13
მაისიდღის ზოგადი ასტროლოგიური პროგნოზი
ტელეკომპანია "იმედის“ ოპერატორს, ტრაგიკულად დაღუპულ მიშო ბიძინაშვილს მეგობრები და კოლეგები ემშვიდობებიან.
- ახალგაზრდა კაცი გუშინ, 7 თებერვალს, სოფელ ასურეთის მიმდებარედ, საჰაერო ბურთის ჩამოვარდნის შედეგად ტრაგიკულად დაიღუპა. მიშო ბიძინაშვილი პროფესიულ მოვალეობას ასრულებდა.
"ვერასდროს დავიჯერებ ამ ამბავს! ყველაზე კეთილი მიშიკო! თავი კოშმარში მგონია, შენ სულ იყავი და იქნები საუკეთესო ადამიანი და მეგობარი, რომლის იმედი სულ აქვთ, ყველაფერში, ყოველთვის.“
"რეკორდი უნდა დაგემყარებინათ. როგორ მიყვარდი და გაფასებდი, მიშო, ეს შენ იცი. მადლობა ბედნიერი დღეებისთვის".
"საუკეთესო მასალა რომ გადაეღო, რისკზე წავიდა, არ შეეშინდა, პროფესიული საქმიანობის შესრულების დროს უდიდესი ტრაგედიის მსხვერპლი გახდა, მიშო...“;
"საშინელი ტრაგედიაა, მიშოს ოჯახის, მეგობრების ტკივილს ვიზიარებ. ვუსამძიმრებ იმედელებს, განსაკუთრებით, ჟურნალისტს, რომელიც მისი გადაღებული მასალის მოლოდინში იყო".
"ძალიან მიჭირს და მიმძიმს ამის დაწერა და გამოქვეყნება, მაგრამ დიდი ტრაგედია მოხდა სოფელ ასურეთის მიმდებარედ, საჰაერო ბურთის ჩამოვარდნის შედეგად ჩვენი ტელეკომპანიის ოპერატორი მიშო ბიძინაშვილი და ორი მფრინავი დაიღუპა. წინასწარი ინფორმაციით, საჰაერო ბურთი ელექტროგადამცემ ბოძს შეეჯახა, რამაც კატასტროფა გამოიწვია. მიშო თქვენ არ იცით, როგორი წესიერი, გაზრდილი და უსიტყვო იყო."
- დაღუპულებს შორის არიან რევაზ უთურგაური ("სქაი თრეველის" დამფუძნებელი და დირექტორი) და კშიშტოფ ზააპარტი (პოლონელი კინორეჟისორი და სცენარისტი და მფრინავი). ისინი ფოთის ცენტრალური სტადიონიდან კახეთის მიმართულებით საცდელ ფრენას ახორციელებდნენ, რათა მსოფლიო რეკორდი დაემყარებინათ საჰაერო ბურთით ყველაზე დიდ მანძილზე გაფრენაში.
წაიკითხეთ ასევე:
- საჰაერო ბურთის ჩამოვარდნის შედეგად, ორ მფრინავთან ერთად, "იმედის" ოპერატორი მიშო ბიძინაშვილი დაიღუპა
- ტრაგედიით დასრულებული "რეკორდული ფრენა" - საჰაერო ბურთის ჩამოვარდნას "სქაი თრეველის" დამფუძნებელი ემსხვერპლა: კადრები, რომელიც უბედურ შემთხვევამდე ცოტა ხნით ადრე გადაიღეს
ღმერთმა ნათელში ამყოფოს მათი სულები, ერთ რამეს ვიტყვი, ვიცი ჩამქოლავენ, მაგრამ მაინც, ეს ოხერი შეტყობინება შემოვიდა ყველასთან, 112 გვაფრთხილებს, ქარი, წვიმა, თოვლი, უამინდობაო და რატომ არ ვითვალისწინებთ, დასანანია.
გამძლეობა მის ოჯახს მართლაც დიდი რისკი იყო ეჰჰ......