ბრედ პიტმა ანჯელინა ჯოლის სასამართლო დავა მოუგო - რას შეეხებოდა ამჯერად დავა?
ბრედ პიტმა ანჯელინა ჯოლის წინააღმდეგ სასამართლო დავა მოიგო. საქმე ეხებოდა საერთო ფრანგული ღვინის ქარხანას, Chateau Miraval-ს. თებერვალში პიტმა სასამართლოს განუცხადა, რომ ჯოლიმ რუს ბიზნესმენ იური შეფლერს მათი ღვინის ბიზნესის წილი მიჰყიდა.
წყვილმა ქარხანა 2008 წელს შეიძინა. პიტი ქონების 60 პროცენტს ფლობდა, ჯოლი - 40. 2014 წელს, დაქორწინების შემდეგ, პიტმა ჯოლის ქარხნის კიდევ 10% აჩუქა. განქორწინების შემდეგ, ანჯელინამ თავისი აქციები გაყიდა. პიტი კი ამტკიცებდა, რომ გარიგება უკანონო იყო და ყოფილ მეუღლეს უჩივლა. სასამართლო პროცესზე მან განაცხადა, რომ მას და ჯოლის ჰქონდათ შეთანხმება, არ გაეყიდათ თავიანთი წილები ურთიერთშეთანხმების გარეშე, მაგრამ ანჯელინამ ეს შეთანხმება დაარღვია.
როგორც პიტის წარმომადგენლებმა აღნიშნეს, ღვინის ქარხანა მსახიობის ნამდვილ ვნებად იქცა და მისი ძალისხმევით გადაიქცა „მრავალმილიონდოლარიან ბიზნესად“, აანჯელინას კი არაფერი გააკეთა პროექტის წარმატებისთვის.