ლეონარდო დიკაპრიო დასვრილი სამოსითა და წვერით - მსახიობს პაპარაცებმა გადაუღეს ფოტოები, სადაც მისი ცნობა თითქმის შეუძლებელია

ჰოლივუდის ვარსკვლავი, ოსკაროსანი ლეონარდო დიკაპრიო პაპარაცებმა სრულიად განსხვავებული იმიჯით იხილეს და რა თქმა უნდა, ფოტოები გადაუღეს.

ლეოსგან შთამბეჭდავი გარდასახვა არავის აკვირვებს, თუმცა ამ ფოტოებმა მედიის განსაკუთრებული ყურადღება მიიქცია. სურათები მსახიობს პაპარაცებმა რეჟისორ პოლ თომას ანდერსონის ახალი ფილმის გადასაღებ მოედანზე გადაუღეს. ფილმში ლეო მთავარ როლს ასრულებს.

კადრებზე ჩანს ქუჩაში, ჭუჭყიან სამოსში გამოწყობილი დიკაპრიო, ულვაშით და დამწუხრებული სახით.

"ამ დოტოებზე ოსკაროსანი მსახიობის ცნობა თითქმის შეუძლებელია", - წერს ბრიტანული "დეილი მეილი".

ახალ კინოსურათში ლეონარდო დიკაპრიო შონ პენთან და რეჯინა ჰოლთან ერთად ითამაშებს.

აღსანიშნავია, რომ ფილმის სცენარის ავტორიც რეჟისორი ანდერსონია. ფილმის სახელი ჯერჯერობით უცნობია. მას WarnerBros. იღებს და ცნობილია, რომ ბოლო დროის ერთ-ერთი ყველაზე ძვირადღირებული კინოპროდუქტი იქნება.