პოლიტიკურ ასპარეზზე რამზან კადიროვის კიდევ ერთი ქალიშვილი გამოჩნდა - რა თანამდებობა უბოძა მამამ 24 წლის ხადიჯათს?
ჩეჩნეთის პოლიტიკურ არენაზე რეგიონის ლიდერის, რამზან კადიროვის კიდევ ერთი ქალიშვილი გამოჩნდა. ამჯერად რამზანმა მისი 24 წლის შვილი, ხადიჯათ (კარინა) კადიროვა ჩეჩნეთის სახელმწიფოს და მთავრობის მეთაურის ადმინისტრაციის უფროსის პირველ მოადგილედ დანიშნა.
- ამის შესახებ ინფორმაცია ჩეჩნეთის ლიდერმა "ტელეგრამზე", ოფიციალურ არხზე გამოაქვეყნა. კადიროვის თქმით, შეხვდა ადმინისტრაციის ხელმძღვანელს, გალას ტაიმასხანოვს, რომელმაც ხადიჯათის დანიშვნა შესთავაზა. ტაიმასხანოვი კი მის წინადადებას "სიხარულით დათანხმდა".
ხადიჯათი პასუხისმგებელი იქნება სოციალურ თემებთან დაკავშირებულ გუნდთან მუშაობაზე. აღსანიშნავია, რომ მანამდე კადიროვის შვილი გროზნოს სკოლამდელი განათლების განყოფილების ხელმძღვანელად მუშაობდა.
გასული წლის ოქტომბერში კადიროვმა ხადიჯათს "სოციალური სფეროს დამსახურებული მუშაკის“ საპატიო წოდება მიანიჭა.
ეს ხადიჯათისთვის ერთადერთი მედალი არ არის. 2021 წელს ის დაჯილდოვდა "ჩეჩნეთის რესპუბლიკისადმი დამსახურებისთვის" შესაბამისი მედლით, ხოლო ხოლო 2022 წელს მიიღო რეგიონის უმაღლესი სახელმწიფო ჯილდო, ახმატ კადიროვის ორდენი.
ხადიჯათ კადიროვა შეერთებული შტატების, ევროკავშირისა და იაპონიის სანქცირებულთა სიაშია.
ავტორი: ანრი კურტანიძე