"რატომ აგრძელებს რუსეთი ცხედრების დამალვას?! მათ ხომ მთელი მსოფლიოსთვის უნდა ეჩვენებინათ: “ნახეთ, უკრაინელები მკვლელები არიან”, მაგრამ არ არის ცხედრები" - ბუდანოვი "ილ-76”-ზე
“ილ-76”-ის სიტუაცია გაურკვეველია, რუსეთი ცხედრებს არ აჩვენებს. ამის შესახებ უკრაინის დაზვერვის მთავარი სამმართველოს ხელმძღვანელმა, კირილ ბუდანოვმა განაცხადა.
- მისი თქმით, ბოლომდე პასუხის გაცემა, რა მოხდა, არც ერთ მხარეს არ შეუძლია.
"სამწუხაროდ, უნდა მოვახდინოთ კონსტატაცია, რომ არც ერთ მხარეს არ შეუძლია ბოლომდე პასუხის გაცემა, თუ რა მოხდა იქ. რუსეთის პოზიცია გასაგებია - ყველაფერში უკრაინის დადანაშაულება. იმის გათვალისწინებით, რომ ასეთი პოზიციისთვის გაურკვეველი ფაქტორების რიგი არსებობს...
ეს, უპირველეს ყოვლისა, არის ის, რომ მათ არ აჩვენეს მინდვრები, რომლებიც ცხედრებით, ნარჩენებითაა სავსე, როგორც უნდა ეჩვენებინათ იმისთვის, რომ მაქსიმალურად დაედანაშაულებინათ უკრაინა, მაგრამ ესეც კი არ არის. ანუ სიტუაცია ბოლომდე გასაგები არაა.
თუ ეს ისე მოხდა, როგორც რუსეთი ამტკიცებს, მაშინ რატომ მალავდა რუსეთი რამდენიმე დღე და აგრძელებს ცხედრების დამალვას?! მათ ხომ ეს მთელი მსოფლიოსთვის უნდა ეჩვენებინათ: “ნახეთ, უკრაინელები მკვლელები არიან”. მაგრამ არ არის ცხედრები, არაფერი არ არის,” - განაცხადა ბუდანოვმა
- ცნობისთვის, რუსეთის ბელგოროდის ოლქის კოროჩანსკის რაიონში 24 იანვარს "ილ-76“ ტიპის სამხედრო-სატრანსპორტო თვითმფრინავი ჩამოვარდა.
რუსული მხარე თვითმფრინავის ჩამოგდებაში, რომლითაც კრემლის მტკიცებით უკრაინელი ტყვეები გადაჰყავდათ, უკრაინას ადანაშაულებს. უკრაინის პრეზიდენტი, ვოლოდიმირ ზელენსკი კი საერთაშორისო გამოძიებას ითხოვს. თემასთან დაკავშირებით არაერთი უპასუხო კითხვა არსებობს.