23
მარტიდღის ზოგადი ასტროლოგიური პროგნოზი
წელს ჯაზფესტივალებს მეოთხე სეზონი, ზამთრის კურორტების საერთაშორისო ფესტივალი შეემატა. პირველ ჯაზფესტივალს სახელწოდებით „Winter Jazz“ გუდაური უმასპინძლებს. ორდღიანი ფესტივალი სასტუმრო „კარპე დიემისა“ და მის მიმდებარე ტერიტორიაზე გაიმართება.
წლევანდელ ფესტივალს მსოფლიოს სხვადასხვა ქვეყნიდან 11 არტისტი სტუმრობს, რომლებიც ორი დღის განმავლობაში გუდაურის სტუმრების წინაშე წარსდგებიან. საფესტივალო პროგრამას, რომელსაც 14.00 საათზე გახსნის Soulidan (იგი ამავდროულად არის ფესტივალის მუსიკალური პროგრამის დირექტორი), გააგრძელებენ ლეგენდარული ჰაუს არტისტები: Kenny Bobien, Josh Milan, Kaidi Tatham, Dj Spen, Greg Gauthier, Afshin.
„Winter Jazz Gudauri“ ჯაზფესტივალის მუსიკალური პროგრამის დირექტორი თაზო ცხაკაია (Soulidan): - ლაინაფი სოულფულ ჰაუსის და ჰაუსის ჟანრშია. იგი შედგება ექვსი უცხოელი არტისტისგან. გოსპელ ჰაუსის მეფედ წოდებული Kenny Bobien - ეს არის ამერიკელი მომღერალი, გრემზე ნომინირებული არტისტი. მას უთანამშრომლია ისეთ მუსიკოსებთან როგორებიცაა Kerri Chandler, Louie Vega, Dennis Ferrer. მულტი ინსტრუმენტალისტი Josh Milan-ი, რომელიც ოთხჯერ იყო გრემზე ნომინირებული. Liza Stenfild, Dianna Ross, Hugh Masakels, Lisa Fisher და სხვა მრავალი - ეს ის ჩამონათვალია ვის გვერდითაც მუშაობდა Josh Milan-ი. შემდეგი მუსიკოსი გამორჩეულია თავისებური ჟღერადეობით ბრიტანელი არტისტი Kaidi Tatham. ის ჯაზისა და ჰაუსის სინთეზს მოიცავს. მას ხშირად ბრიტანელ ჰერბი ჰენკოკადაც კი მოიხსენიებენ. მუსიკოსი წლევანდელი გრემის ნომინანტია.
რაც შეეხება Dj Spen-ს, ის ამერიკელია, რომელიც სოულფულ ჰაუსისა და გოსპელის ჟღერადობით გამოირჩევა. მისი მუსიკა მთელ მსოფლიოში მოწინავე პოზიციებს იკავებს. მას ნამუშევარი აქვს შემდეგ არტისტებთან Michael Jackson, Diana Ross, Macy Grey, Amy Winehouse, Donna Summer. მისი კომპოზიცია "Praying for You," რომელიც ლუი ვეგამ გაარემიქსა, 2021 წელს გრემიზე იყო ნომინირებული. აღსანიშნავია, რომ „Winter Jazz Gudauri“ ფესტივალის ამსახველი ვიდეო განთავსდება Djoon- ის იუთუბ პლატფორმაზე, ეს არის ლეგენდარული ფრანგული კლუბი, რომელიც 20 წელია ოპერირებს მსოფლიო ბაზარზე.“
25 თებერვალს საერთაშორისო ჯაზფესტივალს ჰაუს არტისტები დახურავენ.
პირველ საფესტივალო დღეს, 22.00 საათზე, დაასრულებს ამერიკელი მუსიკოსი Scott Kinsey და მისი ვარსკვლავური ჯგუფი, პროექტით „We speak LUNIWAZ”, რომლებიც მსმენელს ჯო ზავინულის მუსიკას შესთავაზებენ.
ფესტივალის ორგანიზატორი კახა კანდელაკი - „მოხარულები ვართ, რომ ტრადიციულ საერთაშორისო ჯაზფესტივალებს მეოთხე სეზონი შეემატა. მნიშვნელოვანი პროგრამა გვაქვს, რომელიც ორი დღის განმავლობაში იქნება გუდაურში. ფესტივალს ცნობილი არტისტები ესტუმრებიან. სკოტ კინსი წამყვანი მუსიკოსია თანამედროვე ფუჟინ სტილისა და ვორლდ მუსიკის სფეროში, ასევე ჯაზის მიმართულებით. ის არის არა მხოლოდ პიანისტი, არამედ პროდიუსერი და ცნობილი საუნდტრეკების ავტორი (Ocean's Eleven, Ocean's Twelve, Ocean's Thirteen, Code 46, Stander, Confessions of a Dangerous Mind, The Girlfriend Experience, Smokin' Aces, Brown Sugar, Analyze That, Haywire, Bob Odenkirk's Let's Go To Prison).
სკოტ კინსი ჯო ზავინულის გვერდით მუშაობდა წლების განმავლობაში და ყველაზე კარგად იცნობს მის მუსიკას, მოგვიანებით ეს ყველაფერი აისახა კიდეც მუსიკოსის შემოქმედებაში. მისი ბენდი ოთხი ცნობილი არტისტისგან არის დაკომპლექტებული:
(Scott Kinsey - კლავიში, Francisco Fattoruso -ბასგიტარა, Seamus Blake -საქსაფონი Nicolas Viccaro-დასარტყამი ინსტრუმენტი)“
“Winter Jazz Gudauri” ფესტივალის მხარდამჭერია ტურიზმის ეროვნული ადმინისტრაცია და ოფიციალური პარტნიორი მთის ტრასების სააგენტო. ფესტივალის ორგანიზატორია კომპანია „ისთერნფრომოუშენსი“
საინფორმაციო მხარდამჭერები: ტვ იმედი, რადიო ფორტუნა, ინტერნეტ ჟურნალი მარკეტერი, პალიტრა მედია ჰოლდინგი, სარეკლამო სააგენტო ალმა.
ბილეთები გაიყიდება www.tkt.ge-ზე.
R
