ციმბირული "ზომბი ვირუსები" - მეცნიერები შიშობენ, რომ ახალი პანდემია შესაძლოა, ამ ვირუსების "გაცოცხლებას" მოჰყვეს: გლობალური დათბობის კიდევ ერთი საფრთხე

ციმბირის ყინულებში ნაპოვნი ვირუსების გამო, კაცობრიობა შესაძლოა, ახალი პანდემიის წინაშე აღმოჩნდეს,- ამის შესახებThe Guardian წერს.

მეცნიერების ინფორმაციით, არის რისკი, რომ ძველი ციმბირული ვირუსები გლობალური დათბობის გამო, "გაცოცხლდნენ" და ჩვენთვის უცნობი დაავადებების აფეთქება გამოიწვიონ. მათ "ზომბ ვირუსებს" უწოდებენ.

ისინი ამბობენ, რომ შემდეგი პანდემია შესაძლოა, არა ახალმა ვირუსებმა, არამედ წარსულის დაავადებებმა გამოიწვიოს. აქედან გამომდინარე, ბიოლოგებმა შექმნეს არქტიკული მონიტორინგის ქსელი, რომელიც ძველი მიკროორგანიზმების დაავადებების შემთხვევებს გამოავლენს.

აღნიშნული სამსახური უზრუნველყოფს კარანტინს, კვალიფიცირებულ სამედიცინო დახმარებას, ასევე ინფიცირების ზონაში ადამიანების გადაადგილებას.

"ახლა პანდემიური საფრთხის ანალიზი კონცენტრირებულია იმ დაავადებებზე, რომლებიც შესაძლოა, გაჩნდნენ სამხრეთ რეგიონებში და შემდეგ გავრცელდნენ ჩრდილოეთში. ამასთან, ძალიან ცოტა დრო და ყურადღება ეთმობა შესაძლო აფეთქებებს უკიდურეს ჩრდილოეთში, რომელიც გავრცელდება სამხრეთში. მე ვთვლი, რომ ეს თვალთახედვიდან გვეპარება. იქ სახიფათო ვირუსებია, რომლებსაც ადამიანების ინფიცირება და პანდემიის გამოწვევა შეუძლიათ“, - ამბობს მარსელის უნივერსიტეტის გენეტიკოსი ჟან-მიშელი.

• 2014 წელს კლევერლი მეცნიერთა ჯგუფს ხელმძღვანელობდა. ამ ჯგუფმა ციმბირში ცოცხალი ვირუსების იზოლირება შეძლო, ასევე დაადგინა, რომ მათ კვლავ შეუძლიათ ერთუჯრედიანი ორგანიზმების დაინფიცირება. 2023 წელს გამოქვეყნდა კვლევა, რომლის მიხედვითაც დადგენილია, რომ ციმბირის 7 სხვადასხვა წერტილში გამოვლენილია რამდენიმე ვირუსული შტამი, რომლებსაც სხვა ორგანიზმების დაინფიცირება შეუძლია.

"ვირუსებს, რომლებიც ჩვენ გამოვყავით, მხოლოდ ამების დაინფიცირება შეეძლოთ და ადამიანისთვის საფრთხეს არ წარმოადგენდნენ. თუმცა ჩვენ პოქსივირუსებისა და ჰერპესვირუსების გენომური კვალიც შევნიშნეთ, რომლებიც კარგად ნაცნობი პათოგენია“, - ამბობს კლევერლი.

ამასთან ყველაზე დიდი რისკი მრავალწლოვანი მზრალობის ლღობა არ არის:

"საფრთხე გლობალური დათბობის სხვა ფაქტორისგან მომდინარეობს, კონკრეტულად კი, არქტიკული ზღვის ყინულის გაქრობისგან.

ეს ცვლილება გაზრდის გემებით გადაადგილებას, სატრანსპორტო მიმოსვლას და ციმბირის მრეწველობის განვითარებას. იგეგმება მასშტაბური სამთო-მომპოვებლობის სამუშაოები, ღრმა მრავალწლოვან მზრალობაში მაღაროებისა და ნავთობის მოპოვებისთვის გაითხრება დიდი ბურღები. ეს მოქმედებები გამოათავისუფლებს პათოგენების დიდ რაოდენობას, რომლებიც დღემდე იქ არიან. მაღაროელები იქ ჩავლენ და ამ ვირუსებით ისუნთქებენ. შედეგები კატასტროფული იქნება“, - ამბობს კლევერლი.

• ავტორი: ანრი კურტანიძე