მნიშვნელოვანი ინფორმაცია
14
მარტიდღის ზოგადი ასტროლოგიური პროგნოზი
პარასკევი, მთვარის მეთექვსმეტე დღე დაიწყება 19:51-ზე, მთვარე სასწორს ესტუმრება 22:58-ზე
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ. კარგი დღეა იურიდიული საკითხების მოსაგვარებლად, სასამართლო პროცესების დასაწყებად; შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ. გაუფრთხილდით თირკმლებს. მოერიდეთ სითხისა და ალკოჰოლის მიღებას. აგრეთვე სუსტდება ენდოკრინული სისტემა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ხალხნო, მომისმინეთ, 21-ე საუკუნეა, რატომ ატყდა პანიკა ჩემს სიგამხდრეზე?!...არავის აქვს უფლება, რომ წონაზე ან გარეგნობაზე მიგითითოს" - რუსკა მაყაშვილის მიმართვა საზოგადოებას
18:31 / 22-01-2024
არაერთხელ გავმხდარვართ მოწმე, როგორ აბულინგებენ ცნობილ სახეებს როგორც ჭარბი წონის, ისე სიგამხდრის გამო. ამის მაგალითები სოციალურ ქსელში ხშირია. სხვადასხვა სტატიებისა თუ ვიდეოების კომენტარებში ხშირად შეხვდებით შეურაცხმყოფელ კომენტარებს, თუ იქ წარმოჩენილი ადამიანების კილოგრამები, ან სხეულის გარშემოწერილობა საზოგადოების "მოთხოვნებს" არ აკმაყოფილებს.
შესაძლოა, ადამიანები პირად ცხოვრებაზე, ტრაგედიებზე, ან თუნდაც პოლიტიკაზე საუბრობდნენ, თუმცა რატომღაც ხშირად შეფასების ობიექტი მათი სხეულის ფორმა ხდება.
რუსკა მაყაშვილი ერთ-ერთია ცნობილ ადამიანებს შორის, რომელსაც ყველაზე ხშირად წონაზე მიუთითებენ. მსახიობი და ტელეწამყვანი მთელი ცხოვრება გამხდარია და ჩვენთან საუბრისას ამბობს, რომ კმაყოფილია თავისი ფორმით და წონით, ასეთი მოსწონს საკუთარი თავი. თუმცა ისე გააღიზიანა ამ თემაზე "კეთილისმსურველების“ კომენტარებმა, რომ გადაწყვიტა მათთვის ეპასუხა და "ტიკტოკზე" შესაბამისი ვიდეო გამოაქვეყნა.
რუსკას "ტიკტოკზე" ერთ-ერთი ყველაზე პოპულარული არხი აქვს და 220 ათასზე მეტი გამომწერი ჰყავს.
"მართლა გულით დავიღალე, ერთადერთი კომენტარი რაც მაღიზიანებს, არის ის, რომ რუსკა, რა გამხდარი ხარ, არ ჭამ საჭმელს?
ხალხნო, მომისმინეთ, 21-ე საუკუნეა, არ შეიძლება ადამიანს მიუთითო ჭამოს ან არ ჭამოს. 37 წელია რაც გამხდარი ვარ, წელს რატომ ატყდა პანიკა ჩემს სიგამხდრეზე?!
თავს ვგრძნობ გადასარევად და ჯანსაღად. მომწონს ჩემი თავი და თქვენ თუ არ მოგწონთ ხალხნო, ეგ თქვენი პრობლემაა. ახლა ამ ვიდეოს იმიტომ ვწერ, რომ ნუ წაუღეთ ტვინი სხვა ადამიანებსაც. ძალიან, ძალიან დამღლელია...
ზოგს მეტი წონა აქვს და ზოგსაც ნაკლები, იმიტომ აქვთ, რომ მოსწონთ. ვისაც არ მოსწონს კი, იმან თვითონ მიხედოს თავის თავს. გაგვანებეთ ხალხნო თავი, ნორმალურები თუ ხართ?! დამაგლიჯეთ ნერვები", - ამბობს რუსკა ვიდეო მიმართვაში.
- როდესაც მსახიობმა გაიგო რა თემაზე გვსურდა მასთან საუბარი, გვითხრა, რომ მსგავს კომენტარებს მხოლოდ "ტიკტოკზე" წერენ და არა, "ინსტაგრამზე", "ფეისბუქზე" ან სოციალური ქსელის სხვა პლატფორმაზე.
რუსკა მაყაშვილი:
- ზოგადად, გამაღიზიანებელი მარტო ის არ არის, რომ გამხდრებს ან ჭარბწონიანებს წონაზე მიუთითებენ, ზოგადად ცუდი ტონია, ადამიანს წონაზე ელაპარაკო, გინდა კარგი კუთხით, გინდა - ცუდი. ჩემს შემთხვევაში ძირითადად იწერებიან, ავად ხარ, რამე გტკივა, ბულიმია გაქვს?! - იმასაც ვერ ხვდებიან, რომ ძალიან არასწორი საქციელია. ვიღაცას, ვისაც ჭარბი წონა აქვს, შესაძლოა მოსწონდეს საკუთარი თავი ასეთი და თუ არ მოსწონს, ებრძვის ამ წონას. შენი ნათქვამით ხომ უფრო სტკენ გულს?!
37 წელია რაც გამხდარი ვარ და ახლა რატომ გაახსენდათ ჩემი სიგამხდრე?! მომწონს ჩემი თავი ასეთი. საერთოდ, ზოგადად უნდა შეწყდეს წონაზე საუბარი, როგორც კარგი, ისე ცუდი კუთხით. არ შეიძლება ადამიანს მიუთითო, რომ უნდა გახდე, ან გასუქდე, ამაზე მაქვს საუბარი.
ბევრი ადამიანი ვიცი მსგავსი პრობლემით. მათ შორის, ჩემი ერთი მეგობარია, რომელიც ბავშვობიდან სიგამხდრის გამო ისე დააკომპლექსეს რომ დღემდე კომპლექსი აქვს. ექიმებსაც მიმართა რომ გასუქებულიყო. იმდენი ქნეს, რომ არ მოსწონს საკუთარი თავი, არადა უმშვენიერესია. უნდა მივიღოთ ჩვენი თავები ისეთები, როგორებიც ვართ და თუ რაიმე არ მოგვწონს, თავად ვებრძოლოთ ამას. არავის აქვს უფლება, რომ წონაზე ან გარეგნობაზე მიგითითოს.
- რუსკა, თქვენ თუ მიგიმართავთ მსგავსი მიზეზით ექიმისთვის?
- არასოდეს მიმიმართავს ამ მიზეზით ექიმისთვის. მთელი ცხოვრება გამხდარი ვარ, ბავშვობიდან. ოჯახშიც ყველა გამხდარია და მომწონს ასეთი ჩემი თავი. როგორც კი არ მომეწონება, მერე შეიძლება მივმართო. იქნებ სხვებსაც მოსწონთ თავისი წონა, თუნდაც ჭარბწონიანს. უნდა შეწყდეს ეს. თან ძირითადად ქალები წერენ მსგავს კომენტარებს და ეს უფრო ცუდია.
მკითხველის კომენტარები /
38 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კონექტიკურის ქუჩებში პატარა სელაპი იპვეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მარტო სიგამხდრეზეა არ არის საუბარი არაფერი არ უვარგა იტყლარჭება იმანჭება დახტუნაობს უაზროდ ჩხავის ვითომ იმიჯს ქმნის რო თავისუფალია მაგრამ არაფერი არ უხდება.საახალწლო საღამოს წამყვანი იყო რას გავდა ან ის კაბა ვინ შეუკერა საცოდაობა იყო ჩხავილი ხო ნუღარ იტყვი.
ნუ ღელავ რუსკა, არა მგონია შენ ვინმემ მიგითითოს ან ტვინი წაგიღოს სიგამხდრეზე, რადგან შენ ყველას მოსწონხარ საქართველოში, ყველამ ვიცით, რომ სულ ასეთი გამხდარი ხარ და მშვენიერ ფორმაში ხარ, და საერთოდ ლამაზი ქალი ხარ😊❤️❤️❤️