"მას ნებისმიერი ხილული სამიზნის განადგურება შეუძლია" - დიდ ბრიტანეთში ლაზერული იარაღი გამოცადეს

დიდ ბრიტანეთში ლაზერული იარაღის პირველი წარმატებული ტესტირება ჩატარდა - ბრიტანეთის თავდაცვის სამინისტროს განცხადებით, იარაღი, სახელად DragonFire, იმდენად ზუსტია, რომ ერთი კილომეტრით დაშორებული მონეტის მიზანში ამოღებაც კი შეუძლია. აღსანიშნავია, რომ ლაზერული იარაღის შექმნაზე დიდი ბრიტანეთი გასული საუკუნის შუა ხანებიდან მუშაობდა.

The Times-ის ცნობით, გამოცდის დროს DragonFire-მა გაანადგურა მიახლოებული დრონები რამდენიმე კილომეტრის მანძილიდან. ექსპერტები თვლიან, რომ ეს იარაღი შეიძლება გახდეს საჰაერო თავდაცვის სისტემაში რაკეტების იაფი ალტერნატივა.

თავდაცვის სამინისტროს ცნობით, DragonFire სისტემა 10 წამში იმდენ ენერგიას მოიხმარს, როგორც ჩვეულებრივი საყოფაცხოვრებო გამათბობელი ერთ საათში. მთლიანობაში, სისტემის ფუნქციონირება 10 ფუნტზე ნაკლები ღირს. დიდი ბრიტანეთი ლაზერული იარაღის გამოყენებას საჰაერო თავდაცვის სისტემაში გეგმავს.

"წარმატებულმა გამოცდამ აჩვენა საჰაერო სამიზნეების განადგურების უნარი შესაბამის მანძილზე. იგი წარმოადგენს მნიშვნელოვან ნაბიჯს შეიარაღებაში ამ ტექნოლოგიის დანერგვისკენ“, - აცხადებენ თავდაცვის სამინისტროში...წყარო