1
აპრილიდღის ზოგადი ასტროლოგიური პროგნოზი
რუსმა დეპუტატებმა კანონპროექტი მოამზადეს, რომელიც ქვეყნის შეიარაღებული ძალების შესახებ „ცრუ ინფორმაციის“ გავრცელებისთვის კერძო საკუთრების ჩამორთმევას ითვალისწინებს, - ამის შესახებ ინფორმაციას სააგენტო Reuters-ი რუსეთის დუმის სპიკერზე, ვიაჩესლავ ვოლოდინზე დაყრდნობით ავრცელებს.
„ყველა, ვინც რუსეთის განადგურებას ცდილობს, ვინც მას ღალატობს, დამსახურებულად უნდა დაისაჯოს და ქვეყანას მიყენებული ზიანი საკუთარი ქონების ფასად აუნაზღაუროს“, - წერს ვოლოდინი „ტელეგრამის“ არხზე.
რუსეთის დუმის სპიკერმა განაცხადა, რომ დასჯის ეს მეთოდი იმ ადამიანებზე გავრცელდება, რომლებიც რუსეთის შეიარაღებული ძალების „დისკრედიტაციას“ ახდენენ, რუსეთის წინააღმდეგ სანქციების დაწესებას მოითხოვენ და ექსტრემიზმის გავრცელებას უწყობენ ხელს.
ვიაჩესლავ ვოლოდინის ცნობით, რუსეთის დუმა კანონპროექტს ორშაბათს განიხილავს.
ეგენი უკვე ეკაიფებიან თავიანთ მოსახლეობას !... კაია,მიდით მიდით,უფრო მალე გეტირებათ ყოფა...
ისეთი სიმკაცრე უნდა იყოს როგორც ჩრდილო კორეაში და ირანშია. ხალხს ქუჩაში ამწე კრანებზე რომ ჩამოახრჩიბენ, მერე დადგება მშვიდობა. ან სტალინის ხელის საჭირო. ყველა ოჯახში ერთი ადამიანი რომ დახვრიტონ, აღდგება წესრიგი.