"საწყალი" გუდაურში არავინ ისვენებს... ძალიან კარგი თუ იქ ხაჭაპური 45 ლარი ღირს, ვინც ამაზე ღელავთ თქვენ აიტანეთ ყველი ზღვის დონიდან 2 100 მეტრზე და დაუგდეთ ფასები" - რას წერს დათო ლიკლიკაძე?
ბაკურიანსა და გუდაურში ზამთრის საკურორტო სეზონი აქტიურ ფაზაშია შესული. ბაკურიანში დამსვენებლების სიმრავლეა, რაც ადგილობრივი ფასებითაც გამოიხატება. დამსვენებლები აღნიშნავენ, რომ რაც წელს იქ ხდება, ყველა ზღვარს სცდება.
საკურორტო ზონებში არსებულ ფასებს სოცქსელში უამრავი ადამიანი ეხმაურება, მათ შორის ჟურნალისტი დათო ლიკლიკაძე. სწორედ მის პოსტს მოჰყვა ყველაზე დიდი გამოხმაურება;
"ვიცი ბევრი ვერ გაიზიარებს ამ მოსაზრებას. ბევრიც საერთოდ ვერ მიხვდება რას ვამბობ, მაგრამ მაინც უნდა ვთქვა. ძალიან კარგი თუ ხაჭაპური 45 ლარი ღირს გუდაურში. ევროპის ბევრ ქვეყანაში უბრალო წახემსება 45 ევრო გვიჯდება. დიდი ამბავი ახლა ტურისტმა 45 ლარი თუ დახარჯა. ასე რომ რას იტყვიან უცხოელები, მოგვეჭრა თავი, ეს ასე არ არის. რაც შეეხება საწყალ ქართველებს, უკაცრავად, მაგრამ "საწყალი" არავინ ისვენებს სეზონზე გუდაურში.
დიახ, 45 ლარი უნდა ღირდეს და გამდიდრდნენ ადგილობრივი მცხოვრებლებიც უხცოელების ხარჯზე. და ვინც მაინც ღელავთ ასე ძვირ ხაჭაპურზე, თქვენ აიტანეთ ყველი ზღვის დონიდან 2 100 მეტრზე, მინუს 10 ყინვაში და დაუგდეთ ფასები" - წერს ლიკლიკაძე.
წაიკითხეთ ასევე: