"გუშინ, ჩვენმა ახლობლებმა ნახეს... რომ გაიგო ვეძებდით, ძაღლი ჩემთან გამოატანა, ჩემს მეუღლეს წაუყვანეთო და თვითონ გაიქცა" - რას ჰყვება მეუღლე დაკარგულ ახალგაზრდაზე?
თბილისში, ახალგაზრდა მამაკაცს, დათი გავაშელს მეორე დღეა უშედეგოდ ეძებენ.
როგორც "პალიტრავიდეოს“ მისმა მეუღლემ, ლიზა ყარაშვილმა, განუცხადა, დათი გავაშელი ნაცნობებმა ღამის 03:00 საათზე დიღომში, ძაღლთან ერთად იპოვეს, თუმცა მან ძაღლი ნაცნობებს მეუღლესთან გაატანა, თავად კი გაიქცა.
"გუშინ ნახეს ბოლოს დიღომში, მას შემდეგ არსად ჩანს, არის ტალახიანი, შეშინებული, გამოუძინებელი. გუშინ, ჩვენმა ახლობლებმა ნახეს, რომლებსაც თვითონ არ იცნობს, რომ გაიგო ვეძებდით, ძაღლი ჩემთან გამოატანა, ჩემს მეუღლეს წაუყვანეთო და თვითონ გაიქცა".
დათის მეუღლის თქმით, მას მენტალური პრობლემა ჰქონდა.
"არ იყო კარგად იმ დღეს, როცა გაიქცა, თუმცა წინა თვეებსა და დღეებში სრულიად ადეკვატურად და კარგად იყო. არანაირი პრობლემა არ ჰქონდა და არც მედიკამენტებს იღებდა. ახლა რა მოხდა, არ ვიცი, ეტყობა, გაუმწვავდა. არ იყო კარგად მაგ დღეს, როცა წავიდა...." - ამბობს ლიზა ყარაშვილი. წყარო
იხილეთ ასევე: