1
აპრილიდღის ზოგადი ასტროლოგიური პროგნოზი
ჯანდაცვის მსოფლიო ორგანიზაცია ჰიპოთეზური, უცნობი პათოგენის შესახებ გაფრთხილებას იძლევა. ჯანმოს თქმით, უცნობმა "დაავადება X"-მა შესაძლოა, 20-ჯერ მეტი ფატალური შემთხვევა გამოიწვიოს, ვიდრე კორონავირუსის პანდემიამ. "დაავადება X" მსოფლიო ეკონომიკური ფორუმის ყოველწლიურ შეხვედრაზეც განიხილება, რომელიც დავოსში, შვეიცარიაში 15-19 იანვარსაა დაგეგმილი. სესიას ამგვარი სახელწოდება აქვს: "მზადება დაავადება X-ისთვის".
- რა არის "დაავადება X"?
ტერმინი "დაავადება X" 2018 წლის თებერვალში ჯანდაცვის მსოფლიო ორგანიზაციის (WHO) მიერ იქნა მიღებული და ის ჰიპოთეზურ, უცნობ პათოგენს წარმოადგენს, რომელმაც, შესაძლოა, მომავალი ეპიდემია გამოიწვიოს.
აშშ-ს ალერგიისა და ინფექციური დაავადებების ეროვნული ინსტიტუტის დირექტორმა ენტონი ფაუჩიმ განაცხადა, რომ "დაავადება X"-ის კონცეფცია ხელს შეუწყობს ჯანმოს პროექტებს, რომ ცალკეული ვირუსული შტამების ნაცვლად, ძალისხმევა და ფოკუსი ვირუსების მთელ კლასებზე მიმართონ.
ჯონ ჰოპკინსის მედიცინის დეპარტამენტის მონაცემთა მთლიანობის და ანალიტიკის ვიცე-თავმჯდომარემ, დოქტორმა სტიუარტ რეიმ Fortune-ს განაცხადა, რომ მსოფლიო ლიდერების მხრიდან ფორუმზე ამ საკითხის განხილვაში მონაწილეობის არმიღება უპასუხისმგებლო საქციელი იქნებოდა:
"ისტორიაში მრავალი ასეთი მოვლენა დაფიქსირებულა და ბოლოდროინდელმა კორონავირუსის პანდემიამ გვასწავლა, რომ სწრაფ რეაგირებას მილიონობით ადამიანის გადარჩენა შეუძლია. საზოგადოებრივი ჯანდაცვის რეაგირების კოორდინაცია შეთქმულება არაა, ეს უბრალოდ პასუხისმგებლიანი დაგეგმვაა".
ჯანმოს "პრიორიტეტული პათოგენების" ჩამონათვალი აქვს შედგენილი, რომლებიც საზოგადოებრივ ჯანმრთელობას ყველაზე დიდ რისკს უქმნიან მათი პანდემიური პოტენციალის გამო და მათთან გასამკლავებლად კონტრზომები ან არასაკმარისია, ან საერთოდ არ არსებობს.
მოსალოდნელია, რომ წლევანდელ შეკრებაზე ჯანმო განახლებულ სიას წარადგენს. უკანასკნელად (2018 წელს) შედგენილი სია კი ასეთია:
ებოლას და მარბურგის ვირუსული დაავადებები, ყირიმ-კონგოს ჰემორაგიული ცხელება, ლასას ცხელება, მძიმე მწვავე რესპირატორული სინდრომი - SARS-CoV-1, ახლო აღმოსავლეთის რესპირატორული სინდრომი კორონავირუსი (MERS), კოვიდი (SARS-CoV-2), ნიპა და სხვა ჰენიპავირუსული დაავადებები, რიფტ-ვალის ცხელების ვირუსი და ზიკას ვირუსი.
წყარო: fortune
მოამზადა: ანა სიბოშვილმა
უკვე მოქმედებენ ფსიქოლოგიურად ჯერ არ შემოსულ ვირუსზე, წინასწარ გვაფრთხილებენ და ცცხლად გვკლავენ, სად წავიდეთ, სად გავიქცეეთ, ახალ-ახლ ვირუსებს ბოლო არ ექნება, ვაი ჩვენი ბრალი, რა გინდა რომ ქნა კაცმა
რატომ ვერ იმსხვერპლა ამდენი წელი ამ კოვიდმა და ვირუსებმა ჯანმოს ჯოჯოები,იმნაძე,გამრელიძე და ცერცვაძე,ასაკის მხრივადაც სამივეს უწევს!!!!