კუნძულზე გამართული ქორწილის ულამაზესი ცერემონია - ახალი ზელანდიის ყოფილი პრემიერი, ჯასინდა არდერნი დაქორწინდა (ფოტოები)
ახალი ზელანდიის ყოფილი პრემიერ მინისტრი, ჯასინდა არდერნი დიდი ხნის პარტნიორზე კლარკ გეიფორდზე დაქორწინდა. ქორწილის ცერემონია ქვეყნის ჩრდილოეთით ულამაზეს კუნძულზე გაიმართა.
წყვილი დაქორწინებას 2022 წელს აპირებდა, მაგრამ კორონავირუსთან დაკავშირებული შეზღუდვების გამო, ცერემონიის გამართვა გადადეს.
მედიის ცნობით, არდერნმა 5-წუთიანი საქორწილო სიტყვა წარმოთქვა. წყვილი უკვე ათი წელია ერთადაა და ხუთი წლის ქალიშვილი, ნევი ჰყავთ.
ყოფილ პრემიერს დიზაინერ ჯულიეტ ჰოგანის მიერ შექმნილი კაბა ეცვა. გავრცელებული ინფორმაციით, ჰოგანი ყოფილი პრემიერის ახლო მეგობარია. კაბას გრძელი ვუალი ამშვენებდა. ჯასინდას ქორწილი განუყოფელი ატრიბუტიც, თაიგულიც ჰქონდა, რომელიც თეთრი ყვავილებისგან იყო შექმნილი.
43 წლის ჯასინდა არდერნი 5 წელზე მეტი დროის განმავლობაში მუშაობდა ახალი ზელანდიის პრემიერ-მინისტრის თანამდებობაზე. გასული წლის იანვარში კი განაცხადა, რომ თანამდებობის დატოვების გადაწყვეტილება მიიღო.