ევროპა რესპირატორული დაავადებების ტრიდემიისთვის ემზადება - რომელ ქვეყნებში რა ვირუსი ცირკულირებს?

ევროპა რესპირატორული დაავადებების ტრიდემიისთვის ემზადება. იტალიასა და ესპანეთში რესპირატორული დაავადებებით ინფიცირებულთა რიცხვი იზრდება. ადგილობრივი საინფორმაციო სააგენტოების ცნობით, საავადმყოფოები უკვე გადატვირთულია. გერმანიასა და გაერთიანებულ სამეფოში, ბოლო ორი კვირის მანძილზე, კოვიდ 19-ის, RSV-ის (რესპირატორული სინციციალური ვირუსი) და ღორის გრიპის შემთხვევები დაფიქსირდა.

• ტერმინი ტრიდემია პირველად 2020 წელს, Covid 19-ის პანდემიის დროს გამოიყენეს. იგი გულისხმობს მძიმე სეზონური გრიპის განვითარების შესაძლებლობას. (ამ შემთხვევაში: covid 19, RSV და ღორის გრიპი).

დაავადებათა პრევენციისა და კონტროლის ევროპულმა ცენტრმა, ECDC-მ განაცხადა, რომ საზოგადოებაში გრიპის მსგავსი რესპირატორული დაავადებების მაჩვენებელი კვლავ იზრდება ევროპის ქვეყნებში.

"ზაფხულის პერიოდში რესპირატორული დაავადებების შედარებით დაბალი აქტივობის შემდეგ, სექტემბრიდან პირველადი ჯანდაცვის დაწესებულებებში კონსულტაციების მაჩვენებლები გაიზარდა“, - ნათქვამია დეკემბრის პრესრელიზში.

ვირუსის გავრცელება ასევე შეიძლება გამოწვეული იყოს საშობაო შეკრებებით და სხვადასხვა სადღესასწაულო ღონისძიებით.

იანვრის ბოლოს, იტალიაში ღორის გრიპით ორი ადამიანი გარდაიცვალა. კიდევ სამი პაციენტი ინტენსიური თერაპიის განყოფილებაშია ჰოსპიტალიზებული. იტალიის ჯანდაცვის ეროვნული ინსტიტუტის შეფასებით, 2023 წლის ბოლო ორი კვირის განმავლობაში, კოვიდ 19-ით 2 მილიონი ადამიანი დაინფიცირდა.

ესპანეთის ჯანდაცვის მინისტრმა მონიკა გარსიამ ჯანდაცვის ცენტრებში პირბადის ტარება სავალდებულო გახადა.

"ჩვენ უნდა დავიცვათ ყველაზე დაუცველი ხალხი”, - განუცხადა გარსიამ ჟურნალისტებს - "ეს უბრალოდ, საღი აზრია." მთავრობის განცხადებით, თუ ინფექციის მაჩვენებელი ორი კვირის განმავლობაში დაეცემა, შეზღუდვებიც მოიხსნება...წყარო