"მასთან უდიდესი ენერგია მაკავშირებს" - ვინ არის ქართველი მაყურებლის ახალი ფავორიტი თურქი მსახიობი, რომელიც მსახიობი შემთხვევით გახდა და როგორია მისი ცხოვრება ეკრანს მიღმა
თურქული სერიალები რომ საქართველოში პოპულარობით სარგებლობს ეს ახალი ამბავი აღარ არის. ამჯერად განსაკუთრებული ინტერესის ობიექტია სერიალი სახელად Kan Çiçekleri და მისი მთავარი გმირი, სახელად ბარიში. ის ქართველი მაყურებლის ახალი გულთამპყრობელია.
ამ როლს, მსახიობი, ბარიშ აქთაში ასრულებს. 27 წლის ბარიშს აქამდეც უთამაშია სხვადასხვა სერიალში და ასევე დოკუმენტურ ფილმში, თუმცა პოპულარობა როგორც თურქეთში, ასევე სხვა ქვეყნებში Kan Çiçekleri-მ მოუტანა.
- როგორც ცნობილია ის პროფესიით მსახიობი არ არის. მამის თხოვნით ბუღალტერიას და აუდიტს სწავლობდა, მამას სურდა, რომ მისი შვილი ფინანსური მრჩეველი ყოფილიყო, თუმცა ახალგაზრდა მამაკაცის კარიერა სულ სხვა მიმართულებით განვითარდა.
ბარიში ამბობს, რომ მისი პირველი ნაბიჯები სამსახიობო კარიერაში შემთხვევითობას უკავშირდება. როგორც იხსენებს, ბიძაშვილიმა შეცდომით გაგზავნა მსახიობთა სააგენტოში, რის შემდეგაც მისი ცხოვრება სრულად შეიცალა. ბიჭის გარეგნობა მოეწონათ და პატარა როლი ესთავაზეს.
ბარიშ აქთაშის თქმით, თავდაპირველად ფიქრობდა, რომ მსახიობობა დროებითი იყო, თუმცა მალე მიხვდა, რომ ამ პროფესიას თავს ვერ დაანებებდა.
ამბობს, რომ ძალიან ცელქი ბავშვი იყო, რომელიც ყველაფერს აფუჭებდა, თუმცა მამის შიში ჰქონდა და მზად იყო ყველაფერი გაეკეთებინა მამის კეთილგანწყობის მოსაპოვებლად.
- "მამაჩემს სურდა, რომ ფინანსური მრჩეველი გამოვსულიყავი. ამიტომ აუდიტსა და ბუღალტერიას ვსწავლობდი, მსახიობი შემთხვევით გავხდი“, - ამბობს ბარიში.
ის სტამბოლში დაიბადა, ხოლო პირველად ერთ-ერთ თურქულ არხზე, დოკუმენტურ სერიალში გამოჩნდა. მსახიობის გარდა, ბარიში არის მუსიკოსი, გატაცებულია სიმღერით.
თურქული მედიის ცნობით, ბარიშს არ ჰყავს შეყვარებული. ის მაქსიმალურად ცდილობს, რომ მედიის ყურადღების ობიექტი არ გახდეს მისი პირადი ცხოვრება. იშვიათად ჩნდება პომპეზურ და ხმაურიან წვეულებებზე.
არ აქტიურობს სოციალურ ქსელებში და "ინსტაგრამზე" მხოლოდ ისეთ პოსტებს აქვეყნებს, რომელიც იმ სერიალებს უკავშირდება, სადაც თამაშობს.
რაც შეეხება სერიალში ბარიშის პარტნიორს, იამურ იუქსელს (სერიალში - დილანის როლის შემსრულებელს) ბარიში ერთ-ერთ ინტერვიუში მის შესახებ საუბრობს და ამბობს, რომ იამურთან იდელაური ურთიერთობა აქვს და ისინი საუკეთესო მეგობრები არიან.
ჟურნალისტები ხშირად ინტერესდებიან არის თუ არა მათ შორის მეგობრობაზე მეტი. ამ კითხვას მსახიობი თავს არ არიდებს და ამბობს, რომ "პარტნიორთან უდიდესი ენერგია აკავშირებს", თუმცა მათ შორის მხოლოდ მეგობრული ურთიერთობაა.