"გარდაცვალების შემდეგ კარგი გოგო გახდა…! სანამ ცოცხალი ხარ, ვერ გხედავენ, რომ ავად ხარ" - რას წერს სამირა ბაირამოვა გარდაცვლილი მოცეკვავის შესახებ?
2 იანვარს, გვიან ღამით, თბილისში ავტოსაგზაო შემთხვევას მოცეკვავე მარი ბაბეტა ემსხვერპლა. ტრაგიკული შემთხვევა შარდენის ქუჩის მიმდებარე ტერიტორიაზე, დაახლოებით, 03:30 საათზე მოხდა.
მომხდარის თაობაზე არაერთი ინფორმაცია გავრცელდა, ერთ-ერთი ვერსიით, ქალმა ჯერ თვითმკვლელობა სცადა, თუმცა მას შემდეგ, რაც ხელი შეუშალეს, უკან გზაზე გადმოსვლისას "მერსედესის" მარკის ავტომობილი დაეჯახა. შსს-მ უკვე ამოიღო კამერების ჩანაწერები, თუმცა ამ ეტაპზე უცნობია, რა მუხლით მიმდინარეობს გამოძიება. სავარაუდოდ, გამოკითხულია ავტომობილის მძღოლიც.
სამოქალაქო აქტივისტი, იურისტი, სოციოლოგი და ჟურნალისტი სამირა ბაირამოვა, რომელიც ქალთა მიმართ ძალადობას, ასევე ქალთა გარდაცვალების ფაქტებს სოცქსელში ხშირად ეხმაურება, ამჯერად წერს:
"გარდაცვალების შემდეგ კარგი გოგო გახდა…! სანამ ცოცხალი ხარ, ვერ გხედავენ, რომ ავად ხარ ან უკვე კვდები, მაშინ უკვე “ საწყალი მეცოდება”, იმიტომ რომ უკვე არ გაწუხებს მისი არსებობა, წარმატება… აღარ არის" - წერს სამირა ბაირამოვა.